قر دەنساۋلىق ساقتاۋ مينيسترلٸگٸ 17 تامىزدان كەيٸن كارانتين شارالارى قالاي جەڭٸلدەيتٸنٸن تٷسٸندٸردٸ, دەپ حابارلايدى "ۇلت اقپارات".
«ٸندەتتٸڭ تارالۋ ٶسٸمٸ توقتادى جەنە مەديتسينا ماماندارىنىڭ جٷكتەمەسٸ ازايدى. وسىنى نەگٸزگە الا وتىرىپ ەلٸمٸزدە كارانتيندٸك شارالارىن بٸرتٸندەپ جەڭٸلدەتۋگە شەشٸم قابىلداندى. سونىمەن, 2020 جىلعى 17 تامىزىنان باستاپ بارلىق ٶڭٸردە ساۋدا ويىن-ساۋىق ورتالىقتارى, ساۋدا جەلٸلەرٸ, جابىق بازارلار, سۇلۋلىق سالوندارى, شاشتاراز, سپا ورتالىقتار, كوسمەتولوگييالىق قىزمەت كٶرسەتەتٸن كەسٸپكەرلٸك سۋبەكتٸلەرٸنٸڭ قىزمەتٸ جاندانادى», - دەپ اتاپ ٶتەدٸ ۆەدومستۆو Telegram پاراقشاسىندا جارييالانعان اقپاراتىندا.
مينيسترلٸك مەلٸمەتٸنشە, سونىمەن قاتار, باسسەينٸ جوق فيتنەس ورتالىقتار, باسسەينٸ جوق مونشالار مەن ساۋنالار, بٸلٸم بەرۋ ورتالىقتارى, مەكتەپكە دەيٸنگٸ بالالار مەكەمەلەرٸنٸڭ كەزەكشٸ توپتارى, اشىق اۋاداعى اتتراكتسيوندار جۇمىسىن باستايدى. ەسكەرەتٸن جايت, اتالعان سۋبەكتٸلەر مەيلٸنشە جارتىلاي قۋاتتىلىقپەن جۇمىس ٸستەگەنٸ دۇرىس. تۇتىنۋشىلاردى توپتاپ قابىلداۋعا بولمايدى.
سونىمەن قاتار, جۇمىس بەرۋشٸلەر ٷشٸن قىزمەتكەرلەردٸڭ 80 پايىز قاشىقتان ەڭبەك ەتۋ ەرەجەسٸن ساقتاۋى ۇسىنىلادى.
«جۇمىس كٷندەرٸ كارانتيندٸك شارالار جەڭٸلدەگەنمەن, دەمالىس كٷندەرٸ كارانتين تەرتٸبٸ قاتاڭ ساقتالادى. 65 جاستان اسقان ازاماتتاردىڭ كٶشەگە شىعۋى شەكتەلەدٸ. قوعامدىق كٶلٸكتەردٸڭ قوزعالىسى توقتايدى جەنە دەمالىس كٷندەرٸ جۇمىسقا بارۋعا تىيىم سالىنادى. سەنبٸ-جەكسەنبٸدە تەك ازىق-تٷلٸك دٷكەندەرٸ مەن دەرٸحانالاردىڭ جۇمىسىنا رۇقسات ەتٸلەدٸ»,- دەپ اتاپ ٶتەدٸ دەنساۋلىق ساقتاۋ مينيسترلٸگٸنەن.
ەسكە سالساق, بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا قالىپتاسقان ەپيدەميولوگييالىق جاعدايدى ەسكەرە وتىرىپ, كارانتين شارالارىن كەزەڭ-كەزەڭٸمەن الىپ تاستاۋ جوسپارى قارالدى.
