QR Densaýlyq saqtaý ministrligi 17 tamyzdan keiin karantin sharalary qalai jeńildeitinin túsindirdi, dep habarlaidy "Ult aqparat".
«Indettiń taralý ósimi toqtady jáne meditsina mamandarynyń júktemesi azaidy. Osyny negizge ala otyryp elimizde karantindik sharalaryn birtindep jeńildetýge sheshim qabyldandy. Sonymen, 2020 jylǵy 17 tamyzynan bastap barlyq óńirde saýda oiyn-saýyq ortalyqtary, saýda jelileri, jabyq bazarlar, sulýlyq salondary, shashtaraz, SPA ortalyqtar, kosmetologiialyq qyzmet kórsetetin kásipkerlik sýbektileriniń qyzmeti jandanady», - dep atap ótedi vedomstvo Telegram paraqshasynda jariialanǵan aqparatynda.
Ministrlik málimetinshe, sonymen qatar, basseini joq fitnes ortalyqtar, basseini joq monshalar men saýnalar, bilim berý ortalyqtary, mektepke deiingi balalar mekemeleriniń kezekshi toptary, ashyq aýadaǵy attraktsiondar jumysyn bastaidy. Eskeretin jait, atalǵan sýbektiler meilinshe jartylai qýattylyqpen jumys istegeni durys. Tutynýshylardy toptap qabyldaýǵa bolmaidy.
Sonymen qatar, jumys berýshiler úshin qyzmetkerlerdiń 80 paiyz qashyqtan eńbek etý erejesin saqtaýy usynylady.
«Jumys kúnderi karantindik sharalar jeńildegenmen, demalys kúnderi karantin tártibi qatań saqtalady. 65 jastan asqan azamattardyń kóshege shyǵýy shekteledi. Qoǵamdyq kólikterdiń qozǵalysy toqtaidy jáne demalys kúnderi jumysqa barýǵa tyiym salynady. Senbi-jeksenbide tek azyq-túlik dúkenderi men dárihanalardyń jumysyna ruqsat etiledi»,- dep atap ótedi Densaýlyq saqtaý ministrliginen.
Eske salsaq, búgin QR Premer-Ministri Asqar Maminniń tóraǵalyǵymen ótken memlekettik komissiia otyrysynda qalyptasqan epidemiologiialyq jaǵdaidy eskere otyryp, karantin sharalaryn kezeń-kezeńimen alyp tastaý jospary qaraldy.
