قىزىلوردا وبلىسىندا 16 جاستاعى قىزدى ٶلتٸرگەن ەر ادام 20 جىلعا باس بوستاندىعىنان ايىرىلدى. سوت وعان قوسا 10 ملن تەڭگە مورالدىق شىعىن تٶلەۋگە مٸندەتتەدٸ, دەپ حابارلايدى ult.kz.
قىلمىستىق ٸس قىزىلوردا وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا قارالدى.
قايعىلى وقيعا بيىل ماۋسىم ايىندا شيەلٸ اۋدانىندا بولعان. 2 ماۋسىم كٷنٸ كەشكە 16 جاسقا تولماعان بالسۇلۋ ٶمٸرزاق ٷيٸنەن شىعىپ كەتكەننەن كەيٸن قايتا ورالماعان. ەرتەڭٸنە ونىڭ دەنەسٸ جاقاەۆ كانالىنان تابىلدى.
پوليتسييا كٷدٸكتٸ رەتٸندە جەرگٸلٸكتٸ تۇرعىندى ۇستادى. تەرگەۋ بارىسىندا ونىڭ قىلمىسقا قاتىسى تولىق دەلەلدەنگەن.
سوت وتىرىسىندا سوتتالۋشى كٸنەسٸن مويىنداپ, جەبٸرلەنۋشٸلەردەن كەشٸرٸم سۇراعان.
سوت ونى قر قىلمىستىق كودەكسٸنٸڭ 99-بابى 2-بٶلٸگٸنٸڭ 14-تارماعى, ياعني كٶرٸنەۋ كەمەلەتكە تولماعان ادامدى ٶلتٸرۋ بويىنشا كٸنەلٸ دەپ تانىدى.
«قىلمىس سوتتالۋشىنىڭ كٸنەسٸن مويىنداۋىمەن, جەبٸرلەنۋشٸلەر مەن كۋەلاردىڭ جاۋاپتارىمەن, ساراپتاما قورىتىندىلارىمەن, بەينەتاسپالارمەن, قىلمىستىق ٸس ماتەريالدارىمەن جەنە زاتتاي دەلەلدەمەلەرمەن دەلەلدەندٸ», – دەلٸنگەن سوت حابارلاماسىندا.
پروكۋرور سوتتالۋشىعا 20 جىل باس بوستاندىعىنان ايىرۋ جازاسىن تاعايىنداۋدى سۇراعان. سوت بۇل ۇسىنىستى قاناعاتتاندىرىپ, ەر ادامدى 20 جىلعا باس بوستاندىعىنان ايىردى. ول جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەيدٸ.
سونىمەن قاتار سوتتالۋشىدان جەبٸرلەنۋشٸلەردٸڭ پايداسىنا 10 ملن تەڭگە مورالدىق شىعىن ٶندٸرٸلەتٸن بولدى.
ٷكٸم زاڭدى كٷشٸنە ەنگەن جوق.
بۇعان دەيٸن قىلمىستى اشىپ, كٷدٸكتٸنٸ ۇستاۋ ٷشٸن تەجٸريبەلٸ قىزمەتكەرلەردەن جەدەل-تەرگەۋ توبى قۇرىلعانى حابارلانعان ەدٸ.
