دەنساۋلىق ساقتاۋ مينيسترٸ ەلجان بٸرتانوۆ مەديتسينالىق نىسانداردىڭ ەسكٸرٸپ, مەديتسينالىق قۇرىلعىلاردىڭ توزۋىنا قاتىستى پٸكٸر بٸلدٸردٸ, دەپ حابارلايدى قازاقپارات.
«شىنىندا دا ەسكٸرۋ جاعدايى بۇرىننان بار. بٸزدٸڭ ەسەبٸمٸزشە بۇل ينفراقۇرىلىمدى قالپىنا كەلتٸرۋ ٷشٸن زامانعا ساي تەحنولوگييالاردى ەسكەرمەگەننٸڭ ٶزٸندە 1,5 تريلليون تەڭگە كەرەك. ياعني 100 پايىزدىق جاراقتاندىرۋ ٷشٸن وراسان زور قاراجات قاجەت. بۇل جەردە ەلبەتتە ەڭ الدىمەن اۋىلدى ايماقتار مەن اۋداندىق اۋرۋحانالارعا قيىن. سەبەبٸ ول جاقتا ماماندار بەيٸمدەلگەن نىسانداردا جۇمىس ٸستەۋگە مەجبٷر», - دەدٸ ەلجان بٸرتانوۆ دەنساۋلىق ساقتاۋ مينيسترلٸگٸنٸڭ Facebook پاراقشاسىندا «حابار 24» ارناسى تٸلشٸسٸنٸڭ سۇراعىنا جاۋاپ بەرە وتىرىپ.
مينيستردٸڭ ايتۋىنشا مەملەكەت 2007-2015 جىلدارى جٷرگٸزگەن «100 مەكتەپ – 100 اۋرۋحانا» باعدارلاماسى اياسىندا ينفراقۇرىلىم ەدەۋٸر جاقسارىپ قالعان. الايدا بۇل رەتتە ارى كەتسە اۋداندىق, وبلىستىق اۋرۋحانالار عانا سالىنعان.
«ٶكٸنٸشكە قاراي كٶپ بٶلٸك نازاردان تىس قالدى. ال قازٸر بۇل جۇمىستى ارى قاراي جالعاستىرۋدىڭ ماڭىزى زور. ەڭ بٸرٸنشٸ كەزەكتە ورتالىق اۋداندىق اۋرۋحانالاردى بەكەمدەپ, ەكٸنشٸ كەزەكتە وبلىستىق قالالارداعى كٶپبەيٸندٸ اۋرۋحانالارعا نازار اۋدارعان جٶن. ونداعى كٶپبەيٸندٸ مەديتسينالىق ورتالىقتارعا ەرتٷرلٸ سالانىڭ ماماندارىن ينتەگراتسييالاي الار ەدٸك. بٸزدە قازٸر ٶكٸنٸشكە قاراي اۋرۋ توبىنىڭ ەر تٷرٸنە ارنالعان اۋرۋحانا بار. ادام اۋىر جاعدايدا ەمحاناعا تٷسكەن كەزدە ونى ەمدەي الاتىن باسقا اۋرۋحاناعا اپارۋعا تۋرا كەلەدٸ. مۇنىڭ ارتى ادامدار ٷشٸن ايقىن قاۋٸپكە ەكەلۋٸ ىقتيمال», - دەدٸ ەلجان بٸرتانوۆ.
مينيستر كوروناۆيرۋس ينفەكتسيياسىمەن بەتپە-بەت كەلگەن كەزدە دە قيىندىقتار تۋىنداعانىن ايتادى.
«ەپيدەمييا كەزٸندە ينفەكتسييالىق ەمحانالاردىڭ بارى ٷلكەن ارتىقشىلىق بولدى. الايدا كٷردەلٸ پاتولوگيياسى بار, پنەۆمونييامەن ادامدار تٷسە باستاعان كەزدە ەرتٷرلٸ ماماندىقتاعى دەرٸگەرلەردٸ تارتۋعا تۋرا كەلدٸ. بٸزدەگٸ ينفەكتسييالىق اۋرۋحانالاردا كومپيۋتەرلٸك توموگرافتار دا بولماي قالدى. ال بۇل توموگرافتار دياگنوستيكا جاساۋدا ەڭ كەرەكتٸ مامان. سول سەبەپتٸ ەر ٶڭٸردە كٶپبەيٸندٸ اۋرۋحانا سالۋدىڭ ماڭىزى زور. بەلگٸلٸ بٸر اۋرۋمەن تٷسكەن ادامدى باسقا اۋرۋحانالارعا تاسىماي, دەل سول جەردەگٸ ماماندار قارايتىنداي جاعداي جاسالۋى تيٸس. بۇل – ەلەمدٸك تەجٸريبە», - دەپ تٷيدٸ ەلجان بٸرتانوۆ.
مينيستر وسى سەبەپتٸ مەملەكەتتٸك باعدارلاما اياسىندا ٸرٸ 20 كٶپبەيٸندٸ اۋرۋحانا سالۋ تۋرالى جۇمىس جوسپارى ەنگٸزٸلگەنٸن مەلٸم ەتتٸ.
