بۇل جازبامدى قازاققا شىن جانى اشيتىن جاس جٸگٸتتەرگە ارنايمىن. جۇرت كٶزٸ ٷشٸن سٶيلەۋدٸ, ماقتان ٷشٸن ەرەكەت ەتۋدٸ بٸلمەيتٸن, وڭاشادا ەل قامىن ويلاپ, مازاسى كەتەتٸن, كٷيٸنگەن كەزدە «وسى مەن نە ٸستەي الامىن» دەپ ۋايىم جەيتٸن ازاماتتار, مەنٸڭ كٶپتەن ويلاپ, بٷگٸن قاعازعا تٷسٸرٸپ وتىرعان مىنا سٶزدەرٸم سٸزدەرگە پايدالى بولىپ قالار.
15 پەن 35 جاس ارالىعىنداعى ازاماتتار – وسى قوعامنىڭ قول-اياعى ٸسپەتتٸ. ٶزٸڭٸز ويلاپ قاراڭىز, قارا جۇمىستىڭ بەرٸن جاسايتىن كٸمدەر? قۇرىلىستا لاي جاسايتىن, تاڭەرتەڭ دٷكەندەرگە تاۋار تاراتاتىن, جول جٶندەيتٸن, شەكارا كٷزەتەتٸن, ەگٸن وراتىن كٸمدەر? نەگٸزٸنەن 15 پەن 35 جاس ارالىعىنداعى جٸگٸتتەر. سول سەكٸلدٸ قىلمىستى جاسايتىن دا, سوعىسقا الىناتىن دا, كٶتەرٸلٸسكە شىعاتىن دا, ەرتٷرلٸ دٸني اعىمدارعا كٸرٸپ كەتەتٸن دە وسى جاستاعى ازاماتتار. پاتشا ٷكٸمەتٸ وسىدان 100 جىل بۇرىن 19 بەن 31 جاس ارالىعىنداعى ازاماتتاردى سوعىستا وكوپ قازۋعا الۋىن ەسكە تٷسٸرەيٸك. 1986 جىلى قىرشىن كەتكەن قىزداردىڭ ەڭ جاسى 16-دا ەدٸ. باسقا ەلگە سوعىس ٸزدەپ كەتكەندەردٸڭ ٸشٸندە دە ەگدە ادامدار بايقالمايدى, كٸلەڭ 25-تٸڭ و جاق-بۇ جاعىنداعى جٸگٸتتەر.
قازٸر 15 جاستاعى بوزبالالار تەۋەلسٸزدٸكتەن العان سوڭ ون جىلدان كەيٸن تۋعاندار. ال 35 جاستاعىلار تەۋەلسٸزدٸكتەن ون جىل بۇرىن تۋعان بولادى. دەمەك, بٸزدٸڭ قازٸرگٸ قول-اياعىمىز سوۆەت ٷكٸمەتٸ تەربيەسٸن تولىق سٸڭٸرٸپ ٷلگەرمەگەن, اۋىرتپالىققا تولى توقسانىنشى جىلداردا ٶسكەن ۇرپاقپەن باستالادى دا, سول جىلدارى تۋعان لەكپەن جالعاسىپ, سوڭى زامان تٷزەلە باستاعان جاڭا مىڭجىلدىقتا تۋعاندارمەن اياقتالادى. قاراپ تۇرساڭىز, الا-قۇلا. فورماتسييا اۋىسىپ, عاسىر مەن عاسىر, مىڭجىلدىق پەن مىڭجىلدىق اۋىسقان ۋاقىتتا تۋعان ۇرپاق باسقاشا بولۋى مٷمكٸن دە ەمەس سەكٸلدٸ...
مەن 25 جاستامىن. وسى ۇرپاقتىڭ بەل ورتاسىندامىن. ەرتٷرلٸ ادامدارمەن سٶيلەسٸپ, تٷرلٸ پٸكٸرلەردٸ وقىپ, ويلانىپ, ٶزٸمشە وي تٷيە كەلە, وسى 15 پەن 35 جاس ارالىعىنداعى بۋىنعا ٷلكەن جاۋاپكەرشٸلٸك ارتىلىپ تۇرعانىن سەزٸنگەندەي بولدىم. سٶيتٸپ, بۇل ۇرپاق, ياعني بٸز نە ٸستەۋٸمٸز كەرەك دەگەن سۇراققا, بٸرنەشە جاۋاپ تاپقانداي بولدىم. ەندٸ سوعان كٶشسەك.
بٸرٸنشٸدەن, بٸز بٸر-بٸرٸمٸزگە سٷيٸسپەنشٸلٸكپەن قاراۋىمىز كەرەك. كەدٸمگٸ, بٸر ٷيدٸڭ اعايىندى بالالارى سەكٸلدٸ, قاتەمٸزدٸ كەشٸرٸپ, ارامىزدى اجىراتاتىن نەرسەلەردەن قاشىپ, تٸرشٸلٸك ەتۋٸمٸز قاجەت. ول ٷشٸن, ەڭ الدىمەن, دٸني نانىم-سەنٸمگە ٶتە اباي بولۋ كەرەك. ٷكٸمەت بەلگٸلەپ بەرگەن دٸني باسقارمانى قازىق ەتٸپ الىپ, باسقا قايشى پٸكٸر, ۇستانىمداردى كٶپشٸلٸك الدىنا شىعارمايىق. دۇرىسى, ەرقايسىمىز وسى ۋاقىتقا دەيٸن ۇستانىپ كەلگەن دٸنٸمٸزدٸ قايتا قاراپ الساق, جاقسى بولار ەدٸ. ونى بٸزگە كٸم ٷيرەتتٸ? ەكە-شەشە, اتا-ەجەمٸز ٷيرەتتٸ مە? جوق, باسقا بٸرەۋ ٷيرەتتٸ مە? ودان دا بۇرىن, بٸزدٸڭ ۇستانىم قۇران مەن سٷننەتكە ساي ما? بٷكٸل ەلەمنٸڭ ميلليونداعان مۇسىلماندارى اقىماق, بٸز عانا اقىلدىمىز دەگەن قانشالىقتى اعىلعا سىيادى? ىمىراعا كەلۋ كەرەك شىعار? داۋلاسىپ, بٸر-بٸرٸمٸزدٸ جەك كٶرٸپ بولدىق قوي?
قانداي جاعداي بولسا دا, دٸني ماعىناداعى داۋدان قاشۋ كەرەك. دٸن – پارتييا ەمەس, دٸن – بٸزدٸڭ وسى دٷنيە مەن و دٷنيەمٸزدٸ جەڭٸلدەتۋ ٷشٸن قاجەت نەرسە.
ەكٸنشٸدەن, جٷزگە, رۋعا بٶلٸنۋدەن اۋلاق بولۋ. بۇل – ٷلكەن كٸسٸلەردەن ٷيرەنۋگە بولمايتىن قاسيەتتەردٸڭ بٸرٸ. ٶيتكەنٸ, رۋشىلدىق كٶڭٸلدٸڭ سۋۋىنا, بٶلٸنۋگە, جاۋلاسۋعا عانا الىپ كەلەدٸ. قازاقتىڭ اۋىزشا تاريحىن زەرتتەگەن اقسەلەۋ سەيدٸمبەك تە بٷگٸندە رۋشىلدىق جوق, رۋشىلدىق بولۋ ٷشٸن ول رۋدىڭ جەرٸ, مالى بولۋى كەرەك, ول ٶزٸنشە ەكٸمشٸلٸك بٶلٸنٸس, ال قازٸرگٸ رۋشىلمىز دەپ جٷرگەندەر ٶزدەرٸنٸڭ جەكە مٷددەسٸن ٸسكە اسىرۋ ٷشٸن توپ قۇرىپ جٷرگەندەر عانا دەپ اشىق ايتقان. مۇحتار ماعاۋين دا قازاق ورداسىنىڭ ەلسٸرەپ, ورىسقا بارىپ قوسىلۋىن وسى رۋشىلدىقپەن بايلانىستىرادى. تەۋكە حاننىڭ كەزٸنەن باستاپ, تٶرەلەردٸڭ بيلٸگٸ ەلسٸرەپ, بيلەردٸڭ ىقپالى كٷشەيٸپ, اقىر اياعىندا جٷزشٸلدٸك, رۋشىلدىق, ٶزارا بەسەكە كٷشەيٸپ, بۇرىن بولماعان ماسقاراعا تاپ بولدىق دەيدٸ. ودان كەيٸنگٸ قازاق دالاسىندا بولعان كٶتەرٸلٸستەردٸ زەرتتەپ كٶرسەك تە, ٶزارا قىرسىعىپ جٷرگەن باقتالاس رۋلاردىڭ بٸر-بٸرٸنە تيگٸزگەن زييانىن بايقايمىز. دەمەك, «رۋشىل ادام ەشقاشان ۇلتشىل بولا المايدى» دەگەن, وسىعان دەيٸن ينتەرنەت جەلٸسٸندە تارالعان سٶز ەبدەن دەلەلدەنٸپ بولعان, ەندٸگٸدە باس قاتىرۋدى قاجەت ەتپەي مويىندايتىن اكسيوما ەكەنٸن كٶرەمٸز.
ٷشٸنشٸدەن, بٸر ەسكەرەتٸن نەرسە بار: قازاقتان باسقا حالىقتارعا جەك كٶرٸنٸشپەن قارايتىن ۇلتشىلدىقتىڭ ٶزٸ – شىنداپ كەلگەندە رۋشىلدىقتىڭ ٷلكەن تٷرٸ. ياعني, تۇتاس ادامزات, ونىڭ ٸشٸندە تٷركٸ تەكتەستەر, سونىڭ ٸشٸندە قازاق حالقى دەيتٸن بولساق, بٸزدٸڭ تەك «قازاق-قازاق» دەپ كەتۋٸمٸز بٸرتۇتاس قازاقتىڭ ٸشٸندە وتىرىپ ٶز رۋى ٷشٸن عانا ٶمٸر سٷرگەن بايعۇستىڭ تٸرشٸلٸگٸنە ۇقساۋى مٷمكٸن. «ادامزاتتىڭ بەرٸن سٷي, باۋىرىم دەپ» دەيتٸن عاقىلييادان اتتاۋ انىق قاتەلٸك بولادى. بٸراق بٸز اربانى دا سىندىرماي, ٶگٸزدٸ دە ٶلتٸرمەي, ۇلتشىل بولا الامىز. سولاي ەتپەسەك بولمايدى دا. قاراڭىز: قازاق ەلٸ – مۇسىلمان ەلەمٸنٸڭ جەنە تٷركٸ دٷنيەسٸنٸڭ شەكاراسىندا تۇر. بٸزدەن تەرٸستٸككە جەنە كٷنگەيگە قاراي مۇسىلمان دا جوق, تٷركٸ دە جوق (تەۋەلدٸ باۋىرلاس حالىقتاردى قوسپاعاندا). بٸز ەندٸ جاراتقان يەمٸز بەرگەن ورتاق تٸل, ورتاق دەستٷر, ورتاق مٸنەز اينالاسىندا ۇيىسىپ, باسقا ٶركەنيەتتەرمەن يىق تٸرەستٸرٸپ, نىق باسىپ تۇرماساق بولمايدى. بٸزدٸڭ تاسامىزدا بٸرنەشە تٷركٸ, مۇسىلمان حالىقتارى بار.
وسىلاي نيەتٸمٸزدٸ تۋرالاپ الىپ, ۇلتشىلدىققا تۋرا كەلمەسەك, اردىڭ-كٷردٸڭ كەلگەن بولمايدى. بٸز باسقالاردى جەك كٶرمەي, ٶز-ٶزٸمٸزدٸ جاقسى كٶرەيٸك, باعالايىق.
ەندٸ, تٶرتٸنشٸدەن, ۇلتشىلدىق «موداعا» اينالماۋى تيٸس. ول بارلىق جاساندىلىقتان ادا بولۋى تيٸس.
مەنٸڭ ويىمشا, ٶزٸ ۇلتشىلدىق ەكٸ-اق سەزٸممەن انىقتالادى. بٸرٸنشٸسٸ, بالا كەزٸڭنەن بويىڭا سٸڭٸرٸپ ٶسكەن قۇندىلىقتارعا دەگەن ماحاببات. قان ارقىلى بەرٸلگەن قاسيەتتەر. ونىڭ بەرٸن شىن قازاق سەزٸنەدٸ, سونى جوعالتىپ الۋدان ساقتانادى. ەكٸنشٸ سەزٸم – ۇرپاقتىڭ قامى. بۇل كەدٸمگٸ تٷيسٸك. ينستينكت. بٸز ٶلەمٸز, بٸز ٶلگەن سوڭ بالالارىمىز قانداي قوعامدا ٶمٸر سٷرەدٸ? ەگەر قازاق ەلٸ مىقتى بولسا, سول قوعامنىڭ بٶلشەگٸ بولاتىن بٸزدٸڭ بالامىز دا جامان بولمايدى. سوندىقتان دا بٸز وسى حالىقتى جاقسى كٶرەمٸز دە, ونى ۇلتشىلدىق دەپ اتايمىز.
بەسٸنشٸ كەرەك قاسيەت – مەملەكەتشٸل بولۋ. تٶتە جازۋمەن كٸتابى بٸرنەشە رەت باسىلىپ شىققان, ارعى بەتتە ميلليونداپ وقىلعان جارقىن جەتٸ اتتى ينتەرنەت جازۋشىسى بىلاي دەيدٸ: «قازاق حالقى مەملەكەتشٸل بولۋ مەن بيلٸكشٸل بولۋدى شاتاستىرماۋى كەرەك. مەملەكەتشٸل ادام – ٶز ٷيٸن قالاي قادٸرلەسە, ٶز مەملەكەتٸن سولاي قادٸرلەيدٸ. ول ٷشٸن كٶشەدە ٶسٸپ تۇرعان ەربٸر گٷل قىمبات. ول كٶشەگە تٷكٸرمەيدٸ. كٶشەنٸ لاستاپ, تۇرعان نەرسەنٸ سىندىرىپ كەتەتٸن ادام – ول ٶزٸن وسى ەلدە جات سەزٸنٸپ جٷرگەن, ٶزٸنٸڭ وسى جاعدايىنا نارازى ادام. باسقاشا ايتقاندا ول كەلٸمسەك نە قۇل بولۋى مٷمكٸن. وندايدى پسيحولوگييادا «نەگرلٸك پسيحولوگييا» دەپ اتايدى. بٸز كەيدە سوۆەت ٷكٸمەتٸنەن قالعان ەدەتتەرٸمٸزدٸ قازٸرگٸ ٶز مەملەكەتٸمٸزگە تاستاماي الىپ كەلگەندەيمٸز. ول كەزدە بٸزدٸڭ پسيحولوگييامىز تەۋەلدٸ حالىقتىڭ, ياعني «نەگردٸڭ پسيحولوگيياسى» بولعان ەدٸ. ەندٸ قازٸر بٸز ٶز ەلٸمٸزدە وتىرمىز. سوندىقتان دا بيلٸككە قارسى بولامىن دەپ مەملەكەتكە قارسى بولۋعا بولمايدى, سول سەكٸلدٸ مەملەكەتشٸل ادامدى بيلٸكشٸل دەپ ايىپتاۋ دا قاتە».
ياعني, بٸز مەملەكەتشٸل بولۋىمىز كەرەك ەكەن. سوناۋ سولتٷستٸكتەگٸ ەڭ شەتكەرٸ اۋىلدان باستاپ, وڭتٷستٸكتەگٸ شەكاراعا دەيٸن ەربٸر قۇمىن جاقسى كٶرۋٸمٸز كەرەك. ونىڭ ٸشٸندە وڭباعان ەكٸم دە, قازاقشا بٸلمەيتٸن, تٸپتٸ قازاققا قارسى وسى ەلدٸڭ ازاماتى دا بولادى. بٸراق ونىڭ بەرٸ ٶتكٸنشٸ, ەرتەڭ-اق ٶزگەرەتٸن نەرسە دەپ, الىستى كٶرەتٸن كٶرەگەندٸكپەن قاراۋىمىز قاجەت.
سول سەكٸلدٸ, ەرتٷرلٸ دٸني اعىمداردىڭ, ساياسي ۇيىمداردىڭ ىقپالىمەن وسى مەملەكەتكە قارسى سٶز ايتۋدان, ەرەكەت ەتۋدەن, ەڭ باستىسى كٶتەرٸلٸسكە شىعۋدان ساقتانۋ. ساقتانۋ ەمەس, ونداي ەرەكەتتەرگە جان-تەنٸمٸزبەن قارسى بولۋ. تالاسبەك ەسەمقۇلوۆ: «قانداي دا بولماسىن ساياساتتىڭ ار جاعىندا بٸرەۋدٸڭ بيزنەسٸ, اقشاسى تۇر... اسقار سٷلەيمەنوۆ: «ەگەر سەن بٸلٸمدٸ, جاقسى جازبالارىڭمەن ۇرپاقتىڭ, جاستاردىڭ ساناسىن تازالاپ, جاقسى ازامات ەتٸپ قالىپتاستىرساڭ, ساياسي كٷرەستٸڭ نە كەرەگٸ بار? سەن ماقساتىڭا جەتتٸڭ», - دەپ كەرەمەت ايتقانى بار. مەنٸڭ كٷرەسٸم – جاستاردىڭ ساۋاتىن اشۋ» دەيدٸ. بۇل, ەرينە, ساياساتقا جاستار ارالاسپاۋ كەرەك دەگەن سٶز ەمەس. كەسٸبي تٷردە ارالاسىپ, ٶمٸرٸن سوعان ارنايتىندار يمانىن ۇمىتپاي, ەل الدىنداعى بورىششىن ەستە ساقتاپ ساياساتقا باراتىن بولسا, قۇبا-قۇپ. كٶپشٸلٸكتٸڭ ساياساتتى باقىلاپ, ٶزٸنشە سالماقتاپ وتىرۋى دا ورىندى. بٸراق ساۋاتسىز تٷردە كٸرٸپ كەتٸپ, ەلدەكٸمدەردٸڭ قولشوقپارىنا اينالۋ – مەملەكەتتٸك مٷددەنٸ ۇمىتۋ – بٸز ايتقىمىز كەلەتٸن قاتەلٸك وسى.
التىنشى مەسەلە – ەلٸمٸزدە تٸرشٸلٸك ەتٸپ جاتقان باسقا ۇلت ٶكٸلدەرٸن جەك كٶرمەۋ. بۇل بٸزدٸڭ ەلسٸزدٸگٸمٸزدٸ بٸلدٸرەدٸ. اتالارىمىز سول ٶزگە ۇلتتارعا مٸسكٸن رەتٸندە قاراپ, قامقورلىلعىنا العان. جەتٸمدەردٸ ٶسٸرٸپ, ٷيلەندٸرٸپ جٸبەرگەن, تٷرمەدە جاتقان ەيەلدەرگە تاس لاقتىرعان بولىپ قۇرت لاقتىرىپ, ولاردى اشتان الىپ قالعان. اتالارىمىز سونداي اۋىر زاماندا جازىقسىز جانداردىڭ كٸم, زۇلىمداردىڭ كٸم ەكەنٸن ايىرا بٸلگەن, جازىقسىزدارىنا مەيٸرٸم تانىتا العان. ال بٸز بٷگٸندە ٶز ەلٸمٸزدٸ ٶزٸمٸز باسقارىپ وتىرىپ, اتالارىمىز قابىلداعان مٸسكٸندەردٸڭ ۇرپاعىنا ٶشپەندٸلٸكپەن قارايتىن بولساق, اتامىزعا جەتپەي تۋعاندىعىمىزدىڭ بەلگٸسٸ بولادى. ەدەبيەتتانۋشى كەنجەباي احمەتوۆ بىلاي دەيدٸ: «قازاقستانداعى باسقا ۇلت ٶكٸلدەرٸ – قازاقتىڭ پاناسىندا ٶمٸر سٷرٸپ جاتىر. قازاقتار ولارعا اعالىق قامقورلىقپەن قاراۋى كەرەك».
جەتٸنشٸ كەزەكتە ٷلكەندەردەن ٷيرەنۋ جاعىنا توقتالعىم كەلەدٸ.
15 پەن 35 جاس ارالىعىنداعى ازاماتتار قوعامنىڭ قول-اياعى بولسا, ولاردى باسقاراتىن ەگدە تارتقان كٸسٸلەر – قوعامنىڭ باسى سەكٸلدٸ. راسىندا دا, بيۋدجەتتٸ جوسپارلاپ, بٶلەتٸن, مەكەمەلەردٸڭ باسشىلارىن تاعايىندايتىن, زاڭ شىعاراتىن, قىلمىس جاساعانداردى سوتتايتىن, جالپى وسى قوعامنىڭ باعدارىن انىقتايتىن – ٷلكەن كٸسٸلەر, اقساقالدار. سولاي بولۋى ورىندى دا. بٸراق... بٸراق سوعىستى باستايتىن, ەرتٷرلٸ دٸني اعىمداردىڭ كٸرۋٸنە سەبەپ بولاتىن, كٶتەرٸلٸس ۇيىمداستىرۋعا اقشا بٶلگٸزەتٸن, رۋ-رۋعا بٶلٸنٸپ, جاستاردى ٶز مٷددەسٸ ٷشٸن پايدالاناتىن تاعى سول ٷلكەن كٸسٸلەر. جاستار كٶپ جاعدايدا ٷلكەن-ٷلكەن افەرالاردى جاساۋعا تەجٸريبەلەرٸ جەتپەيدٸ, بٸرٸن-بٸرٸ جەك كٶرٸپ كەتۋگە ٶزٸندٸك نەگٸزدەرٸ دە كٶپ بولمايدى. كٶبٸنە ٷلكەندەرگە ەرۋ ارقىلى جٸك-جٸككە بٶلٸنەدٸ.
جاستاردى ٷلكەندەرگە قارسى قويۋ دەگەن ماقسات مەندە جوق. تەك قازٸرگٸ بٸزدٸڭ جاعدايداعى ٷلكەندەردەن نە ٷيرەنۋگە بولادى, ولاردان نەنٸ الىپ قالۋ كەرەك جەنە ولاردىڭ قانداي قاسيەتتەرٸن جۇقتىرماۋ كەرەك دەگەن مەسەلەگە توقتالعىم كەلەدٸ.
بٸزدەن بۇرىنعى ۇرپاق – سوۆەت ٷكٸمەتٸندە تۋعان, سوندا قالىپتاسقان ۇرپاق. ولاردان ٷيرەنۋگە بولمايتىن نەرسەلەر مىنالار: اراق ٸشۋ, ٷكٸمەت جاساپ بەرەدٸ دەپ بەرٸن ٷكٸمەتتەن كٷتۋ, ورىس پەن باتىستىكٸن بەرٸنەن ارتىق كٶرۋ, ياعني ٶزٸمٸزگە تەن نەرسەلەردٸ قور ساناۋ. بٸراق بۇل ۇرپاق – بٸزدٸ الدىڭعى ۇرپاقپەن, بۇرىنعى قازاقتارمەن جالعايتىن ۇرپاق. سوندىقتان دا بار جاقسىلىعىن بويىمىزعا قوتارىپ الۋىمىز كەرەك. اۋىل قازاقتارىنىڭ ەڭبەكقورلىعى, ولاردىڭ ۇستاپ قالعان سالت-دەتٷرٸ, قازاقى مٸنەزدەر – تەز ارادا ٶزٸمٸزدٸ ٶزٸمٸز كٷشتەپ بولسا دا ٷيرەنەتٸن نەرسەلەر. عالىمداردىڭ بٸلەتٸنٸ, قىزمەتتەگٸلەردٸڭ تەجٸريبەسٸ, شىعارماشىلىق ادامداردىڭ ٷلگٸسٸ – بۇل بٸزگە باسقا ەشكٸم بەرە المايتىن بايلىقتار. بۇل جاعىنان كەلگەندە, ەۋەلٸ بٸز ولارعا شەكٸرت بولۋعا جارايمىز با دەگەن مەسەلە شىعۋى مٷمكٸن.
سەگٸزٸنشٸ مەسەلە وسى جاستاردىڭ ساپاسىنا كەلٸپ تٸرەلەدٸ. قازاق جٸگٸتٸ ٶزٸن-ٶزٸ قالاي دامىتۋى كەرەك?
تٶرت تٷرلٸ دامۋ بار. رۋحاني, ينتەللەكتۋالدىق, فيزيكالىق, ماتەريالدىق. وسى تٶرت تٷرلٸ دامۋعا ەربٸر جاس مەن بەرۋٸ تيٸس. يمانسىز, اقىلسىز, ەلسٸز, كەدەي ادام ۇلتتىڭ قامىن جەپ, نە جارىتپاق?
توعىزىنشى, كٶبەيۋٸمٸز كەرەك. بۇل – وتباسىمىزعا بەرٸك بولۋمەن كەلەدٸ.
ونىنشى, ەڭ نەگٸزگٸ مەسەلەنٸڭ بٸرٸ – جۇرتقا اقىل ايتۋدى, باسقالاردى ٶزگەرتپەك بولۋدى كەيٸنگٸ كەزەككە قويۋىمىز كەرەك. الدىمەن سەگٸزٸنشٸ كەزەكتە تۇرعان مەسەلەگە مەن بەرەيٸك. ٶز مٸنٸمٸزدٸ قولعا الايىق. 15 پەن 35 جاس ارالىعى – تۇلعا بولىپ قالىپتاساتىن ۋاقىت. باسقالاردى قالىپتاستىرۋ باستى مٸندەتكە اينالاتىن ۋاقىت ودان سوڭ كەلەدٸ ەلٸ...
بٷگٸنگٸ 15 پەن 35 جاس اراسىنداعى بۋىننىڭ موينىندا ٷلكەن جاۋاپكەرشٸلٸك تۇر. وسى بۋىن قالاي ەرەكەت ەتسە, ەلۋ جىلدان كەيٸنگٸ قازاقستان سونداي بولماق. ەگەر دەل قازٸر ساپامىزدى ارتتىرىپ, سانىمىزدى كٶبەيتٸپ قالساق; ٷلكەندەردەن ٷيرەنەتٸن نەرسەنٸ عانا ٷيرەنٸپ, ونى بويىمىزعا سٸڭٸرٸپ, بۇرىنعى قازاققا تەن باعا جەتپەس مٸنەزدەردٸ قايتا جاڭعىرتىپ, كەيٸنگٸ بۋىنعا – ٶز بالالارىمىزعا ٷيرەتٸپ قالا الساق; سول ۇرپاق 15 پەن 35-كە كەلگەندە, ودان سوڭ ولاردىڭ بالالارى 15 پەن 35-كە كەلگەندە قازاقستان ەشكٸمگە كەۋدەسٸن باستىرمايتىن ەل بولادى, بۇيىرسا.
P.S: بۇل جازبا ۇزاق ۋاقىت ويدا جٷرٸپ, ەبدەن پٸسسە دە, جازىلعاندا ٶتە سالقىنقاندىلىقپەن, ىستىق سەزٸمسٸز جازىلدى. سٸزدٸڭ دە ويىڭىزدا جٷرگەن تٷيتكٸلدەرگە دەل كەلسە, بەك قۋانىشتىمىن.
تەۋەلسٸزدٸك مەرەكەسٸ قۇتتى بولسىن! ەلٸمٸز قييامەتكە دەيٸن دەربەس بولعاي!
قۇرمەتپەن, ارمان ەلمەنبەت
ۇلت پورتالى
