قارجىلىق مونيتورينگ اگەنتتٸگٸ (قما) CVK اتاۋىمەن جۇمىس ٸستەگەن قارجى پيراميداسىنىڭ قىزمەتٸن توقتاتتى. قازٸر اگەنتتٸكتٸڭ اۋماقتىق دەپارتامەنتتەرٸ ەلٸمٸزدٸڭ 14 ٶڭٸرٸندە تەرگەۋ جۇمىستارىن جٷرگٸزٸپ جاتىر, دەپ حابارلايدى ult.kz.
تەرگەۋ مەلٸمەتٸنشە, جوبا ٶزٸن ماركەتپلەيس رەتٸندە تانىستىرىپ, ازاماتتارعا كەپٸلدەندٸرٸلگەن تابىس ەكەلەتٸن تٷرلٸ ينۆەستيتسييالىق پاكەتتەردٸ ساتىپ الۋدى ۇسىنعان. سەنٸم قالىپتاستىرۋ ٷشٸن قاتىسۋشىلاردىڭ جەكە كابينەتتەرٸندە شىن مەنٸندە بولماعان تاۋارلارعا قاتىستى ورىندالعان تاپسىرىستار مەن جٶنەلتٸلٸمدەر كٶرسەتٸلٸپ, ولارعا ۆيرتۋالدى سىياقى ەسەپتەلٸپ وتىرعان.
سحەمانىڭ نەگٸزگٸ تەتٸگٸ جاڭا سالىمشىلاردى تارتۋعا نەگٸزدەلگەن. ۇيىمداستىرۋشىلار ەربٸر شاقىرىلعان قاتىسۋشى ٷشٸن اقشالاي بونۋس پەن باعالى سىيلىقتار ۋەدە ەتكەن. اگرەسسيۆتٸ جارناما مەن ٶڭٸرلەردەگٸ بەلسەندٸ ناسيحاتتىڭ نەتيجەسٸندە زاڭسىز جوباعا شامامەن 1,5 مىڭ ادام تارتىلعان.
قما مەلٸمەتٸنشە, جوبانى ناسيحاتتاۋ ٷشٸن جابىق كەزدەسۋلەر, كەڭسەلەردٸڭ سالتاناتتى اشىلۋى جەنە جاپپاي تانىستىرىلىمدار ۇيىمداستىرىلعان. بۇل ٸس-شارالار ەلەۋمەتتٸك جەلٸلەردە كەڭٸنەن تاراتىلىپ, ازاماتتاردىڭ سەنٸمٸنە كٸرۋ قۇرالى رەتٸندە پايدالانىلعان.
سالىمشىلاردىڭ قاراجاتى كريپتوۆاليۋتالىق پلاتفورمالار ارقىلى شىعارىلىپ, كەيٸن بانكتٸك شوتتارعا اۋدارىلىپ وتىرعان. تەرگەۋ بارىسىندا جالپى سوماسى 474 مىڭ دوللار بولاتىن كريپتواكتيۆتەرگە تىيىم سالىندى.
قازٸرگٸ ۋاقىتتا تەرگەۋ جالعاسۋدا. قما اتالعان قارجى پيراميداسىنان زارداپ شەككەن ازاماتتاردى تۇرعىلىقتى جەرٸ بويىنشا اگەنتتٸكتٸڭ اۋماقتىق دەپارتامەنتتەرٸنە جٷگٸنۋگە شاقىردى.
