الماتى وبلىسىندا سينتەتيكالىق ەسٸرتكٸ ٶندٸرٸسٸن ٶرٸستەتكەن ترانسۇلتتىق قىلمىستىق توپقا قاتىستى سوت ٷكٸمٸ شىقتى. ٸس ماتەريالدارى بۇل جاي عانا قىلمىس ەمەس, بٸرنەشە ەلدٸڭ ازاماتتارى تارتىلعان, جٷيەلٸ تٷردە جۇمىس ٸستەگەن جاسىرىن ٶندٸرٸستٸك جەلٸ بولعانىن كٶرسەتەدٸ, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, قىلمىستىق توپ قۇرامىندا بولعان 7 شەتەل ازاماتى سينتەتيكالىق ەسٸرتكٸ زاتتارىن ٶندٸرۋ جەنە تاراتۋ ٸسٸمەن اينالىسقان. تەرگەۋ بارىسىندا قۇقىق قورعاۋ ورگاندارى 3 جاسىرىن زەرتحانانىڭ ورنىن انىقتاعان.
تٸنتۋ كەزٸندە تەركٸلەنگەن زاتتاردىڭ اۋقىمى ٸستٸڭ ماسشتابىن ايقىن كٶرسەتەدٸ: 90 كيلوگرامنان استام دايىن پسيحوتروپتىق زاتتار, بٸر توننادان اساتىن پرەكۋرسورلار مەن حيمييالىق كومپونەنتتەر, سونداي-اق ٶندٸرٸستٸك جابدىقتار. ساراپشىلار مۇنىڭ «قارا نارىقتاعى» قۇنىن شامامەن 1,5 ميلليارد تەڭگەدەن اسادى دەپ باعالاپ وتىر.
بۇل – كەزدەيسوق جاسالعان ەرەكەت ەمەس, كەرٸسٸنشە, ۇيىمداسقان, لوگيستيكاسى بار, ٶندٸرٸس پەن ٶتكٸزۋ تٸزبەگٸ قالىپتاسقان جٷيە. ياعني ەسٸرتكٸ تەك تۇتىنۋ دەڭگەيٸندە ەمەس, ٶنەركەسٸپتٸك ماسشتابتا دايىندالعان.
سوت پروتسەسٸندە مەملەكەتتٸك ايىپتاۋشى ايىپتالۋشىلاردىڭ كٸنەسٸن دەلەلدەيتٸن بۇلتارتپاس دەرەكتەردٸ ۇسىنعان. نەتيجەسٸندە سوت ولاردى 19 جىلدان 20 جىلعا دەيٸن باس بوستاندىعىنان ايىرۋ جازاسىنا كەستٸ. سونىمەن قاتار سوتتالعاندارعا تيەسٸلٸ 3 تۇرعىن ٷي مەن اۆتوكٶلٸكتەر مەملەكەت كٸرٸسٸنە تەركٸلەندٸ.
قۇقىق قورعاۋ ورگاندارىنىڭ مەلٸمەتٸ بويىنشا, بۇل جەلٸ الماتى قالاسى مەن الماتى وبلىسى اۋماعىندا ەسٸرتكٸنٸڭ كەڭ تارالۋىنا تٸكەلەي قاۋٸپ تٶندٸرگەن. جاسىرىن ٶندٸرٸس وشاقتارىنىڭ ەشكەرەلەنۋٸ ايماقتاعى ەسٸرتكٸ نارىعىنا باعىتتالعان سوققى رەتٸندە باعالانىپ وتىر.
دەگەنمەن بٸر ٸرٸ توپتىڭ جويىلۋى مەسەلەنٸ تولىق شەشپەيدٸ. سەبەبٸ مۇنداي قۇرىلىمدار كٶبٸنە بٸر ورتالىقتان باسقارىلاتىن, بٸراق بٸرنەشە بۋىننان تۇراتىن جەلٸ رەتٸندە جۇمىس ٸستەيدٸ. سوندىقتان بۇل ٸس – تەك سوت زالىندا اياقتالعان پروتسەسس ەمەس, كٶلەڭكەلٸ نارىققا قارسى كٷرەستٸڭ بٸر ەپيزودى عانا.
سوت ٷكٸمٸ ەزٸرگە زاڭدى كٷشٸنە ەنگەن جوق.
