10 سەۋٸرگە قاراعان تٷنٸ جۇمىسقا شاقىردى. ۇيىقتاپ جاتقان 4-سىنىپ وقيتىن ۇلىمدى, 1-سىنىپ وقيتىن قىزىمدى بەتتەرٸنەن سٷيٸپ, ەكەۋٸنە قاراپ ٷيدەن شىعىپ كەتتٸم. مٸنە, سول ۋاقىتتان بەرٸ ٷيگە بارمادىم, دەيدٸ ماڭعىستاۋ اۋدانى شەتپە اۋىلىنىڭ دەرٸگەرٸ ورىنگٷل مۇقانوۆا.
ورىنگٷل مۇقانوۆا ماڭعىستاۋ اۋداندىق ورتالىق اۋرۋحاناسىندا ديرەكتوردىڭ ەمدەۋ ٸسٸ جٶنٸندەگٸ ورىنباسارى بولىپ قىزمەت ٸستەيدٸ. 16 جىل جۇمىس تەجٸريبەسٸ بار دەرٸگەر العاش تەراپييا بٶلٸمٸندە ورديناتور, سودان سوڭ بٸرنەشە جىل ۋچاسكەلٸك تەراپەۆت, پسيحياتر, كەيٸن ەمحانانىڭ بٶلٸم مەڭگەرۋشٸسٸ بولعان. وسى جىلدار ٸشٸندە ٷيٸنە بٸرنەشە كٷن بارماي قالۋ بولماپتى.
«وسىنداي ٸندەتپەن كەزدەسٸپ, ادامداردىڭ دەنساۋلىعى ٷشٸن كٷرەسەمٸز دەپ ويلاماپپىن. قانشاما كٷن ۇيقىسىز جٷرسەك تە, ٷيٸمٸزگە, بالا-شاعامىزدىڭ جانىنا بارىپ دەمالاتىنبىز. 2020 جىل باستالعالى اتى شۋلى ٸندەتتٸ تەلەۆيزوردان ەستٸدٸم جەنە جەلٸلەردەن كٶرە باستادىم, باسىندا مەن دە قازاقستانعا بۇل ٸندەت كەلمەيدٸ, قىتاي قايدا, بٸز قايدا دەپ مەن بەرمەگەن ەدٸم. سەبەبٸ تالاي شوشقا تۇماۋى ت.ب. اۋرۋلاردى ەستٸپ جٷرمٸز, بٸراق تاپ سول اۋرۋلار قازاقستانعا كەلٸپ, وسىنشاما ادام اۋىردى دەگەندٸ ەستٸمەدٸم. بۇل ٸندەت ەندٸ قازاقستانعا جەتتٸ دەگەندە دە ماڭعىستاۋعا كەلمەيدٸ دەپ ويلادىم», - دەيدٸ ورىنگٷل مۇقانوۆا.
ماڭعىستاۋدا ەڭ العاش كوۆيد جۇقتىرعان ناۋقاس تٸركەلگەنٸن ەستٸگەندە دەرٸگەر قاتتى قوبالجىپتى.
«بٸزگە كەلمەيدٸ دەپ ويلاۋىم مٷلدە قاتە ەكەن. العاش ەستٸگەندە مازام كەتتٸ. ٶزٸ ازعانتاي عانا حالقى بار ٶلكەمٸز عوي. بۇل ٸندەت مىنا تۇرعان شەتپەگە كەلەدٸ دەپ تە ويلاماعان ەدٸم. بٸراق دايىندالدىق. 9 سەۋٸردەن 10 سەۋٸرگە اۋعان تٷنٸ باس دەرٸگەر تەلەفون سوعىپ, شاقىردى, وسى ٸندەتتٸ جۇقتىرعان ەكٸ ادام شىققانىن ايتقاندا جٷرەگٸم سوعىپ, اياق قولىم دٸرٸلدەپ, ۋايىمعا سالىندىم», - دەيدٸ دەرٸگەر.
وسىلايشا, ول سول تٷنٸ كەتكەننەن ەلٸ ٷيٸنە بارماعان.
«ۇيىقتاپ جاتقان 4-سىنىپ وقيتىن ۇلىمدى, 1-سىنىپ وقيتىن قىزىمدى بەتتەرٸنەن سٷيٸپ, تٷنگٸ ساعات 01:15-تە ٷيدەن شىعىپ كەتتٸم. مٸنە, سول ۋاقىتتان بەرٸ ٷيگە بارمادىم.
بالالارىم سۇرايدى: ماما ٷيگە نەگە كەلمەيسٸڭ, بٸزدٸ ەجەمٸزدٸڭ ٷيٸنەن نەگە الىپ كەتپەيسٸڭ دەپ. ەرينە ٶزٸم ٷشٸن ەمەس, بالالار ٷشٸن عانا قينالام, ولاردىڭ ساباقتارىن قاداعالاۋ بار», - دەيدٸ شەتپەلٸك مامان.
دەرٸگەر ٶزٸنٸڭ ەرٸپتەستەرٸنٸڭ ەڭبەگٸن دە اتاپ ٶتتٸ. قىزمەتتە قاتار جٷرگەن اق حالاتتىلاردىڭ بار كٷشٸن سالىپ, كوۆيدپەن كٷرەسۋدە ەكەنٸن ايتتى.
«ٶزٸمنٸڭ ەرٸپتەستەرٸم جانايدار, ەربولات, ەربول, جەنٸبەك, بەرٸكقالي, ساعيتجان جەنە بٸرنەشە مەيٸربيكەلەر مەن كٸشٸ قىزمەتكەرلەر دە وسى ٸندەتپەن كٷرەستە الدىڭعى شەپتە, وتباسىلارىنان الشاقتا جٷر. ەرينە, ادام بالاسى بولعاسىن ۋايىمدايمىز, ساعىنامىز. بٸراق بٸز تاڭداعان ماماندىق ەشقانداي سىلتاۋدى قابىلدامايدى. بٸز وسى ماماندىقتى مويىنسۇنىپ, ەلگە قىزمەت ەتەمٸز دەپ انت بەرگەننەن سوڭ, سول مٸندەتٸمٸزدٸ ورىنداۋ پارىزىمىز. ەرٸپتەستەرٸمە راحمەت ايتامىن, شىدامدىلىقتارىنا, سابىرلىلىق تانىتىپ جاتقاندارىنا. بٸز بٸرگەمٸز!
بٸز سٸزدەر ٷشٸن جۇمىستامىز. ال سٸزدەر مامانداردىڭ ايتقانىنا قۇلاق اسىپ, كەز كەلگەن الىپ-قاشپا ەڭگٸمەگە مەن بەرمەي, ٷيدە بالا-شاعاڭىزبەن بٸرگە بولىڭىزدار! ەربٸر سەتتٸڭ قادٸرٸن بٸلەيٸك, اعايىن!
قازٸرگٸ تاڭدا بٸز ٷيدە بولۋدى اڭساپ وتىرمىز! بارلىعىمىز بٸرگە وسى جامان ٸندەتتٸ جۇمىلىپ قانا جەڭەمٸز! ناۋقاستار تەزٸرەك جازىلىپ كەتسٸنشٸ دەپ تٸلەيٸك, سانى كٶبەيمەسٸن دەپ تٸلەيٸك. ول ٷشٸن كارانتيندٸ دۇرىس تٷسٸنٸپ, سانالى تٷردە ٶز-ٶزٸمٸزدٸ الدامايىق اعايىن. بەرٸ جاقسى بولادى. ەلٸ تالاي جاقسى كٷندەردە جولىعايىق!»,-دەيدٸ ورىنگٷل مۇقانوۆا.
