بالالارعا قاتىستى زورلىق-زومبىلىقپەن كٷرەس – مەملەكەت ٷشٸن باسىم باعىتتاردىڭ بٸرٸ. بۇل پٸكٸردٸ قر پرەزيدەنتٸنٸڭ كەڭەسشٸسٸ ەرلان قارين ايتتى, دەپ حابارلايدى "ۇلت اقپارات".
«سوڭعى وقيعالارعا بايلانىستى جەلٸ پايدالانۋشىلارى بالالارعا جاسالعان زورلىق-زومبىلىققا جازانى كٷشەيتۋ كەرەك دەپ جازىپ جٷر. شىن مەنٸندە مۇنداي شارالار مەملەكەت باسشىسىنىڭ باستاماسىمەن ٶتكەن جىلى قابىلدانعان ەدٸ. پرەزيدەنت 2019 جىلدىڭ 2 قىركٷيەگٸندە قازاقستان حالقىنا ارنالعان العاشقى جولداۋىندا سەكسۋالدىق زورلىق-زومبىلىق, پەدوفيلييا, ەسٸرتكٸ تاراتۋ, ادام ساۋداسى, ەيەلدەرگە قارسى تۇرمىستىق زورلىق-زومبىلىق جەنە جەكە ادامعا, ەسٸرەسە بالالارعا قارسى باسقا دا اۋىر قىلمىستار جازاسىن جەدەل تٷردە قاتاڭداتۋدى تاپسىردى», - دەپ جازدى ەرلان قارين ٶزٸنٸڭ تەلەگرام پاراقشاسىندا.
پرەزيدەنت كەڭەسشٸسٸ تيٸستٸ زاڭ جوباسىنىڭ كٷزدە پارلامەنتكە تٷسكەنٸن اتاپ ٶتتٸ.
ال 30 جەلتوقساندا پرەزيدەنت «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە قىلمىستىق, قىلمىستىق-پروتسەستٸك زاڭنامانى جەتٸلدٸرۋ جەنە جەكە ادام قۇقىقتارىنىڭ قورعالۋىن كٷشەيتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭعا قول قويدى جەنە ول 2020 جىلدىڭ 1 قاڭتارىندا كٷشٸنە ەندٸ.
«زاڭنىڭ جاڭا نورمالارىنا سەيكەس, ورتاشا اۋىرلىقتاعى زورلىق-زومبىلىق قىلمىسى اۋىر قىلمىس ساناتىنا اۋىستىرىلدى. 14 جاسقا تولماعان بالالارعا زورلىق-زومبىلىق ٷشٸن 20 جىلعا دەيٸن باس بوستاندىعىنان ايىرۋ نەمەسە ٶمٸر بويى قاماۋ جازاسى كٶزدەلەدٸ. ودان بٶلەك, پەدوفيلييا فاكتٸلەرٸن جەتكٸزبەۋ, جاسىرۋ, بۇرمالاۋ ٷشٸن دە جاۋاپكەرشٸلٸك بەلگٸلەنگەن. بۇل ەندٸ 6 جىلعا دەيٸن باس بوستاندىعىنان ايىرۋى مٷمكٸن اۋىر قىلمىس بولادى. بالالارعا قاتىستى زورلىق-زومبىلىقپەن كٷرەس مەسەلەسٸ - بٸزدٸڭ مەملەكەت ٷشٸن باسىم باعىتتاردىڭ بٸرٸ», - دەدٸ ەرلان قارين.
