بٷگٸن قازاق حالقىنىڭ ەجەلدەن كەلە جاتقان مەرەكەسٸ - كٶرٸسۋ كٷنٸ. كٶرٸسۋ سالتى بٸر كٷننٸڭ اياسىمەن شەكتەلٸپ قالمايدى, جىل بويى جالعاسا بەرەدٸ, دەپ حابارلايدى "ۇلت اقپارات".
كٶرٸسۋ — ادامداردىڭ بٸر-بٸرٸنە امانداسىپ, جاقسىلىق تٸلەيتٸن قاۋىشۋ مەرەكەسٸ عانا ەمەس, سونداي-اق جاسى ٷلكەندەرگە ٸزەت كٶرسەتٸپ, ٸلتيپات بٸلدٸرەتٸن دەستٷرلٸ كٶرٸنٸس.
كٶرٸسۋ سالتى بٸر كٷنمەن شەكتەلٸپ قالمايدى, جىل بويى جالعاسا بەرەدٸ.
بۇل كٷنٸ جاسى كٸشٸلەر قالا-اۋىلداعى اقساقال-ەجەلەرٸنٸڭ ٷيٸنە بارىپ, كٶرٸسٸپ, ٸلتيپات بٸلدٸرەدٸ. جاسى ٷلكەندەر كٸشٸلەرگە باتا بەرەدٸ.
سونداي-اق, ٷلكەندەر قول الىسىپ, الاقاندارىن ايقاستىرىپ جاتسا, ەيەل ادامدار الدىمەن وڭ يىعىن, سوسىن سول يىعىن تٷيٸستٸرەدٸ.
بۇل مەرەكە ەلٸمٸزدٸڭ باتىس ٶڭٸرٸمەن قوسا سىر بويىندا, قوستاناي, تورعاي ايماعىندا, رەسەيلٸك استراحان, ساراتوۆ, سامارا, ورىنبور وبلىستارىندا تۇراتىن قازاقتار اراسىندا كەڭٸنەن تويلانادى.
تاريح عىلىمدارىنىڭ كانديداتى جاڭابەك جاقسىعاليەۆتٸڭ ايتۋىنشا, بۇل – ٶسكەلەڭ ۇرپاقتى ٸزەت پەن مەيٸرٸمگە, اۋىزبٸرشٸلٸك پەن كٸشٸپەيٸلدٸلٸككە, تاتۋلىق پەن باۋىرمالدىققا باستايتىن ەرەكشە ٷردٸستەردٸڭ بٸرٸ.
