حالىقتىق كوممۋنيستەردەن سايلانعان دەپۋتاتتار ەيتەۋٸر حالىقتىڭ جايىن ويلاپ جاتادى عوي. جۋىردا ايقىن قوڭىروۆ باستاعان ولار تاعى دا جاي جاتپاي ۇلتتىق بانكتىڭ تٶراعاسى دانييار اقىشەۆكە ساۋال جولداپ, ٷكٸمەتتٸڭ 2015 جىلدىڭ سەۋٸر ايىندا حالىقتىڭ يپوتەكالىق قارىزدارىن قايتا ەسەپتەۋ ٷشٸن ارنايى باعدارلامامەن بٶلگەن 130 ملرد. تەڭگەسٸنٸڭ تاعدىرى نە بولعانىن سۇرادى.
وسى 130 ملرد. تەڭگەمەن 2004 جىلدىڭ 1 قاڭتارىنان 2009 جىلدىڭ 31 جەلتوقسانىنا دەيٸن يپوتەكالىق بورىش العانداردىڭ قارىزى قايتا ەسەپتەلٸنەدٸ ەكەن. كوممۋنيستەر نەگە وسى قىسقا مەرزٸم عانا قامتىلعانىن سۇرايدى. بورىشكەرلەردٸڭ قابىرعاسى سٶگٸلٸپ, تەڭگەنٸڭ ناعىز قۇنسىزدانعان شاعى 2014 جىلدىڭ اقپانى ەدٸ عوي, وسى كەزەڭدەگٸ بورىشكەرلەردٸڭ قارىزى نەگە قامتىلماعان, دەيدٸ دەپۋتاتتار. سونىمەن قاتار ولار باعدارلامانى ورىندايتىن بانكتەردٸڭ قايسى 130 ملرد-تىڭ قانشاسىن العانىن بٸلگٸسٸ كەلٸپتٸ جەنە ولاردىڭ تٸزٸمٸن بەرۋدٸ تالاپ ەتكەن. بۇل ەرينە, «بارماق باستى, كٶز قىستىمەن» تەك الپاۋىتتاردىڭ بانكتەرٸ عانا اساپ قالدى ما دەگەندٸ بٸلگٸلەرٸ كەلگەنٸ عوي...
دەپۋتاتتار ساۋالىنىڭ ەڭ سالماقتى جەرٸ مىناداي: باعدارلامامەن كەلگەن قاراجاتتى ماقساتسىز شىعىندارعا قاي بانك جۇمساپ جٸبەرگەنٸن كٶرسەتٸڭٸز. ولارعا قانداي شارالار قولدانىلدى? سونىمەن قاتار باعدارلاما بٷگٸنگە دەيٸن قانشا بورىشكەردٸ قامتىدى? بورىشكەرلەر تاراپىنان باعدارلاماعا قاتىسقان ەكٸنشٸ دەڭگەيدەگٸ بانكتەردٸڭ قانشاسىنىڭ ٷستٸنەن قانشا ارىز-شاعىمدار تٷستٸ?
بۇل ساۋالدارعا جاۋاپ بەرۋ قيىن ەمەس, بٸراق كٶكەلەرٸ مەن جەكەلەرٸنٸڭ بانكتەرٸن «بٷلدٸرٸپ جاتىر» دەپ كٶرسەتۋگە اقىشەۆتىڭ ايبىنى جەتەر مە ەكەن?
ە.سەرٸكباەۆ, ساراپشى
ۇلت پورتالى
