تٷركٸستاندا 13 جاستاعى قىزبەن جىنىستىق قاتىناسقا تٷسٸپ, سوتتالعان جٸگٸتكە ەلەكترون بٸلەزٸك تاعىلدى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
2020 جىلى جەلتوقساندا كتك تەلەارناسىنىڭ "استارلى اقيقات" باعدارلاماسىندا "13 جاسىمدا زورلاندىم, 15 جاسىمدا انا اتاندىم" دەپ نازاكات راحمەتوۆا ەسٸمدٸ تۇرعىن اقيقاتىن ٸزدەپ, باعدارلاماعا شىققان بولاتىن. كٶرەرمەننٸڭ جاعاسىن ۇستاتقان قىلمىستىق وقيعانى تالقىلاۋ تٶرت كٷنگە سوزىلعان ەدٸ. "بالامنىڭ ەكەسٸ حاسان" دەپ جار سالعان قىزدىڭ ۇلىنىڭ ەكەسٸ باسقا ادام بولىپ شىقتى.
مەديا-پورتال مەلٸمەتٸنشە, بٷگٸندە سول باعدارلامادا اقيقاتى اشىلعان حاسانعا ەلەكترون باقىلاۋ قۇرىلعىسى تاعىلدى. ٶز قىلمىسىن مويىنداعان حاسان راشيدوۆ تٷركٸستان قالالىق سوتىنىڭ ٷكٸمٸمەن ەكٸ جىلعا شارتتى تٷردە سوتتالعان. ول تٷركٸستان قالالىق پروباتسييا ەسەبٸندە جازاسىن ٶتەپ جاتىر.
"وسى باعدارلاماعا شىققانىم اناما اۋىر تيدٸ. ەرينە, ٶزٸم دە بٸراز ۋاقىت ٷيدەن شىعا الماي قالدىم. بەرٸ دە كەلٸسٸممەن بولدى. اقىرىندا پەدوفيل اتاندىم. قاتتى قىنجىلامىن. جاساعان قاتەلٸگٸمە ٶكٸنەمٸن. وسى جىلدىڭ اياعىندا جازامدى ٶتەپ بٸتەمٸن. ٶزٸمە بەرٸلگەن ۋاقىتتى امان-ەسەن اياقتاپ, جاڭا ٶمٸر باستاسام دەيمٸن", - دەدٸ سوتتالعان حاسان راشيدوۆ.
"بۇل ەلەكتروندى بٸلەزٸكتٸڭ سوتتالعاندارعا باقىلاۋ جاساۋعا, تۇرعىلىقتى مەكەنجايىن تاستاپ كەتپەۋگە, قايتا جاساۋى مٷمكٸن قىلمىستىڭ الدىن الۋعا سەپتٸگٸ مول. بٸلەزٸك تاعىلعان سوتتالعانداردى پروباتسييا ينسپەكتورلارى ارنايى پلانشەتتەر ارقىلى باقىلايدى, ەگەر سوتتالعان جازا ٶتەۋ تەرتٸبٸن بۇزسا نەمەسە بٸلەزٸكتٸ ٶزدٸگٸنەن شەشۋگە تىرىسسا, دابىل سيگنالى تەرٸزدٸ بەلگٸ تٷسەدٸ. سونداي-اق, سوتتالعانداردا بٸر نەمەسە ەكٸ ەسكەرتۋ بولسا, ول سوتتالعاندارعا بٸلەزٸك كيگٸزٸلەدٸ. سوتتالعان بەلگٸسٸز باعىتقا قاراي كەتسە, بٸردەن سيگنال تٷسەدٸ. ەلەكتروندى بٸلەزٸكتٸ بٷلدٸرگەن جازاسىن ٶتەۋشٸلەر جاۋاپقا تارتىلاتىن بولادى", – دەدٸ تٷركٸستان قالالىق پروباتسييا قىزمەتٸنٸڭ باستىعى اقمارال تورلانوۆا.
ونىڭ سٶزٸنە قاراعاندا, تٷركٸستان قالالىق پروباتسييا قىزمەتٸ حاسان راشيدوۆتەن بٶلەك تاعى دا بەس سوتتالعانعا ەلەكترون بٸلەزٸك تاققان. التى ادامنىڭ ٷشەۋٸ پەدوفيل ساناتىندا, قالعان ٷش سوتتالعان قىلمىسقا بەيٸم بولعانى ٷشٸن ەلەكترون باقىلاۋعا الىنعان. پروباتسييا قىزمەتٸنٸڭ ينسپەكتورلارى اتالعان التى سوتتالعاندى پلانشەت ارقىلى قاداعالاپ وتىرادى.
