تەحاستىق تەد كرۋز باستاعان رەسپۋبليكالىق پارتييانىڭ 11 سەناتورى كەلەر اپتادا كونگرەستە دجو بايدەندٸ اقش پرەزيدەنتٸ بولىپ سايلاندى دەپ جارييالايتىن رەسمي شاراعا قارسىلىق بٸلدٸرەتٸنٸن مەلٸمدەدٸ.
ساراپشىلار بۇل باستامانىڭ تەك سيمۆولدىق مەنگە يە ەكەنٸن جەنە دجو بايدەننٸڭ 20 قاڭتاردا پرەزيدەنت قىزمەتٸنە كٸرٸسۋٸنە ەش كەدەرگٸ جاساي المايتىنىن ايتادى.
2 قاڭتارداعى مەلٸمدەمەسٸندە 11 سەناتور "2020 جىلعى سايلاۋداعى بۇرمالاۋ مەن زاڭ بۇزۋ تۋرالى مەلٸمەت ٶتە كٶپ بولدى" دەيدٸ, بٸراق بۇل مەلٸمدەمەلەرٸنە لايىقتى دەلەل كەلتٸرمەيدٸ.
پرەزيدەنت دونالد ترامپ بىلتىر قاراشادا ٶتكەن سايلاۋدا جەڭٸلگەنٸن مويىنداماي, داۋىستاردىڭ بۇرمالانعانىن ايتىپ, سايلاۋ نەتيجەلەرٸن جوققا شىعارتۋعا تالپىنىپ كەلەدٸ.
رەسپۋبليكالىق پارتييادان سايلانعان بٸر توپ سەناتور 6 قاڭتاردا كونگرەسس بايدەننٸڭ جەڭٸسٸن رەسمي تٷردە جارييالاۋعا جينالعاندا سايلاۋ نەتيجەسٸن قايتا قاراۋ ٷشٸن "10 كٷندٸك تٶتەنشە تەكسەرٸس" جٷرگٸزەتٸن ارنايى كوميسسييا قۇرۋدى تالاپ ەتپەك.
كونگرەستٸڭ بٸرلەكەن وتىرىسىندا ٶكٸلدەر پالاتاسىنىڭ 140-قا جۋىق مٷشەسٸ دە سايلاۋ نەتيجەسٸنە قارسىلىق بٸلدٸرۋٸ مٷمكٸن دەگەن بولجام بار.
اقش سايلاۋشىلار القاسى 2020 جىلعى 14 جەلتوقساندا بايدەننٸڭ جەڭٸسٸن رەسمي تٷردە جارييالاعان. دەموكرات بايدەن سايلاۋشىلار القاسىنىڭ 306 داۋسىن, ال رەسپۋبليكاشىل دونالد ترامپ 232 داۋسىن العان.
بايدەننٸڭ رەسمي ٶكٸلٸ مايكل گۆين بۇل ەرەكەتتٸ ساياسي سپەكتاكل دەپ سىنادى.
"بۇل ەرەكەت سايلانعان پرەزيدەنت بايدەننٸڭ 20 قاڭتاردا انت بەرۋٸنە ەش كەدەرگٸ جاساي المايدى, سەبەبٸ بۇل نەگٸزسٸز ايىپتاردى ترامپتىڭ ٶزٸ تاعايىنداعان باس پروكۋرور دا, ونداعان سوت تا, ەكٸ پارتييانىڭ سايلاۋعا جاۋاپتى ادامدارى دا قاراپ, جوققا شىعارعان" دەدٸ ول.
اقش-تىڭ سايلاۋ جٷيەسٸ بويىنشا, حالىق الدىمەن ٶز اتىنان تاڭداۋ جاسايتىن سايلاۋشىلار القاسىنىڭ مٷشەلەرٸنە داۋىس بەرەدٸ, ال ولار جالپىۇلتتىق سايلاۋدان بٸرنەشە اپتا ٶتكەن سوڭ فورمالدى تٷردە اقش پرەزيدەنتٸن انىقتايدى.
رەسپۋبليكالىق پارتييانىڭ سەناتورلارى سايلاۋ نەتيجەلەرٸن قايتا قاراۋدى قاجەت ەتەتٸن "داۋلى شتاتتاردان" كەلگەن سايلاۋشىلار القاسى مٷشەلەرٸن مويىندامايتىنىن ايتادى.
كونگرەسس ولار قويعان تالاپتاردى ورىنداۋى نەعايبىل.
اقش كونگرەسٸندە سايلاۋ نەتيجەسٸنە قارسى شىعۋ ۇسىنىسى رەسپۋبليكالىق پارتييانىڭ ٶزٸن ەكٸگە جارىپ وتىر. سەناتتاعى كٶپشٸلٸكتٸڭ باسشىسى ميتچ ماككونەلل پارتيياعا كٸرمەيتٸن سايلاۋ كوميسسييالارىنىڭ ٶكٸلدەرٸ "ەدٸل دە تازا ٶتتٸ" دەپ باعالاعان سايلاۋعا كٷمەن كەلتٸرمەۋگە شاقىردى.
اپتا باسىندا رەسپۋبليكالىق پارتييا اتىنان نەبراسكادان سايلانعان سەناتور بەن ساسسە پارتييالاستارىن ەلدٸڭ ازاماتتىق نورمالارىنا قاۋٸپ تٶندٸرەتٸن بۇل "قاتەرلٸ باستامادان" باس تارتۋعا شاقىرعان.
