قر بٸلٸم جەنە عىلىم مينيسترلٸگٸ بالالاردىڭ قۇقىقتارىن قورعاۋ كوميتەتٸ الماتىدا 11-قاباتتان سەكٸرٸپ كەتكەن وقۋشىعا قاتىستى وقيعاعا تٷسٸنٸك بەردٸ, دەپ حابارلايدى قازاقپارات.
«الماتى قالاسىنداعى نازارباەۆ زيياتكەرلٸك مەكتەبٸندە قايعىلى جاعدايدا قازا تاپقان 8-سىنىپ وقۋشىسىنىڭ اتا-انالارى مەن جاقىندارىنا قايعىلارىنا ورتاقتاسىپ, كٶڭٸل ايتامىز.
قازٸرگٸ ۋاقىتتا ەلەۋمەتتٸك جەلٸلەردە وقۋشىنىڭ قايتىس بولۋىنا بايلانىستى قاراما-قايشى اقپارات تاراپ جاتىر.
قر بعم بالالاردىڭ قۇقىقتارىن قورعاۋ كوميتەتٸنٸڭ ٶكٸلدەرٸ قازا تاپقان وقۋشىنىڭ اتا-اناسىمەن بايلانىستا.
قۇقىق قورعاۋ ورگاندارىنىڭ قىزمەتكەرلەرٸ تەرگەۋ ٸس-شارالارىن جٷرگٸزۋدە.
تەرگەۋ مٷددەسٸ ٷشٸن جاعدايدىڭ ەگجەي-تەگجەيٸ جارييا ەتٸلمەيدٸ», - دەلٸنگەن كوميتەت حابارلاماسىندا.
مەلٸم ەتٸلگەندەي, تەرگەۋ نەتيجەلەرٸ بويىنشا قاجەتتٸ شارالار قابىلداناتىن بولادى. تەرگەۋ امالدارىنان كەيٸنگٸ رەسمي قورىتىندىنى كٷتۋ قاجەت.
«اتا-انالاردى, مۇعالٸمدەر مەن مەكتەپ باسشىلارىن بالالارمەن قارىم-قاتىناستا اسقان مەيٸرٸمدٸلٸك تانىتۋعا شاقىرامىز. ٶيتكەنٸ بالالارىمىزدىڭ ٶمٸرٸ مەن دەنساۋلىعى قوعامنىڭ باستى قۇندىلىعى بولىپ تابىلادى», - دەدٸ قر بعم بالالاردىڭ قۇقىقتارىن قورعاۋ كوميتەتٸنەن.
ەسكە سالايىق, وقيعا 28 قازاندا بولدى. الماتى قالاسى حيمييا-بيولوگييا باعىتىنداعى نازارباەۆ زيياتكەرلٸك مەكتەبٸ ەكٸمشٸلٸگٸنٸڭ مەلٸمەتٸنشە, وقۋشى ساباقتان تىس ۋاقىتتا قازا بولدى. «قازٸرگٸ ۋاقىتتا تەرگەۋ امالدارى جٷرگٸزٸلۋدە. كەمەلەتكە تولماعان بالانىڭ جەنە باستالعان تەرگەۋدٸڭ مٷددەسٸ ٷشٸن مەكتەپ قوسىمشا اقپاراتتى بەرە المايدى», - دەپ حابارلادى بٸلٸم مەكەمەسٸنەن.
الماتى قالالىق پوليتسييا دەپارتامەنتٸ اتالعان فاكتٸ قر قىلمىستىق كودەكسٸنٸڭ 105-بابى بويىنشا بوستاندىق اۋداندىق پوليتسييا بٶلٸمٸندە سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەلگەنٸن مەلٸم ەتتٸ. «وقيعانىڭ سەبەپتەرٸ مەن مەن-جايى ٶندٸرٸس بارىسىندا انىقتالادى. سوت-مەديتسينالىق ساراپتاما تاعايىندالدى», - دەدٸ پوليتسييادان.
