ۆيدەودان الىنعان كادر
قىلمىستىق توپ مەسسەندجەر ارقىلى استانا, كٶكشەتاۋ جەنە قاراعاندىدا ەسٸرتكٸ ٶتكٸزۋ ارناسىن جولعا قويعان, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
ۇيىمداسقان قىلمىستىق توپتىڭ مٷشەلەرٸن پوليتسەيلەر سەۋٸردە "سۇڭقار" جەنە جىلدام قيمىلدايتىن ارنايى جاساق بٶلٸمشەلەرٸمەن بٸرلەسٸپ قۇرىقتاعان.
"ٷش قالادا 11 قىلمىسكەر ۇستالىپ, توعىز مەكەنجاي بويىنشا قىزمەتتٸك-ٸزدەستٸرۋ يتتەرٸن تارتا وتىرىپ تٸنتۋ جٷرگٸزٸلدٸ. تەرگەۋ بارىسىندا ۇيىمداسقان قىلمىستىق توپتىڭ ەربٸر قاتىسۋشىسى ەسٸرتكٸنٸ بۋىپ-تٷيۋ, ساقتاۋ, تاسىمالداۋ نەمەسە تاراتۋ, توپتىڭ اقشالاي كٸرٸستەرٸ مەن شىعىندارىن باقىلاۋ سيياقتى ناقتى رٶلدەردٸ ورىنداعانى دەلەلدەندٸ.
وسىلايشا, قىلمىسكەرلەردٸڭ بٸرٸ قىلمىستىق بيزنەسپەن قامتىلعان قالالار بويىنشا ەسٸرتكٸنٸڭ اسا ٸرٸ پارتييالارىن ساقتاۋعا جەنە تاسىمالداۋعا جاۋاپتى بولدى. ال ەكٸنشٸسٸ قارجىلىق كٸرٸستەر مەن شىعىنداردى باقىلاۋ ٷشٸن توپتىڭ مٷشەلەرٸنە "جالاقى" تٶلەۋمەن, "جوعالعان" ەسٸرتكٸلەر ٷشٸن ايىپپۇلدار سالۋمەن اينالىسقان", - دەلٸنگەن حابارلامادا.
قىلمىستىق توپ مٷشەلەرٸنٸڭ بٸرٸ ەسٸرتكٸ ساتىلاتىن ينتەرنەت-ارنالاردىڭ جۇمىسىن قامتاماسىز ەتكەن. سونداي-اق ول جاڭا كليەنتتەردٸ بەلسەندٸ تٷردە تارتۋمەن اينالىسىپ, ونلاين-كونكۋرستار, ۇتىس ويىندارى مەن اكتسييالار ٶتكٸزگەن.
توپ مٷشەلەرٸنٸڭ بٸرٸ كەمەلەتكە تولماعان, كوللەدجدٸڭ ەكٸنشٸ كۋرس ستۋدەنتٸ ەكەنٸن ايتا كەتكەن جٶن.
"زاڭسىز اينالىمنان ٷش كەلٸ ەسٸرتكٸ تەركٸلەندٸ. قىلمىستىق ٸسكە زاتتاي دەلەل رەتٸندە ۇلتتىق جەنە شەتەل ۆاليۋتاسىنداعى قاراجات, قىلمىستىق ەركەتتە پايدالانىلعان ۇيالى تەلەفوندار, نوۋتبۋكتەر, سيم-كارتالار قوسا تٸركەلدٸ", - دەلٸنگەن حابارلامادا.
سونىمەن قاتار ەسٸرتكٸ ساتاتىن ٷش ينتەرنەت-دٷكەننٸڭ جۇمىسى توقتاتىلعان.
"ۇيىمداستىرۋشىعا جەنە ەسٸرتكٸ بيزنەسٸنە قاتىسۋشىلارعا اسا ٸرٸ مٶلشەردە ەسٸرتكٸنٸڭ زاڭسىز اينالىمىنان باسقا قر قك-نٸڭ 262-شٸ "ۇيىمداسقان توپتى قۇرۋ, وعان باسشىلىق ەتۋ جەنە قاتىسۋ" بابى بويىنشا ايىپ تاعىلىپ وتىر. مٷلكٸ تەركٸلەنٸپ, ون ەكٸ جىلعا دەيٸن باس بوستاندىعىنان ايىرۋ جازاسى كٶزدەلەدٸ", – دەدٸ قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸ باستىعىنىڭ ورىنباسارى اسقار مۇحامەتقاليەۆ.
ۆيدەو: Polisia.kz
