سوڭعى جىلدارى مەكتەپتەردەگٸ تٷرلٸ قوشتاسۋ كەشتەرٸ قوعامدا قىزۋ تالقىلانىپ جٷر. ەسٸرەسە اتا-انالار بالاباقشامەن, ەلٸپپەمەن, باستاۋىش سىنىپپەن, 9 جەنە 11-سىنىپپەن قوشتاسۋ شارالارىنىڭ شەكتەن تىس داڭعازاعا اينالىپ كەتكەنٸنە نارازى, دەپ حابارلايدى ult.kz.
جەلٸ قولدانۋشىلارىنىڭ ايتۋىنشا, مۇنداي مەرەكەلەر ٷلكەن قارجىلىق شىعىنعا ەكەلٸپ جاتىر. قىمبات كيٸم, سەندٸ شاش ٷلگٸسٸ, ماكيياج, مانيكيۋر, مۇعالٸمدەرگە سىيلىق, فوتوسەسسييا, مەيرامحانا جالداۋ – مۇنىڭ بەرٸ اتا-انالاردىڭ قالتاسىنا ايتارلىقتاي سالماق تٷسٸرەدٸ. كەيبٸر وقۋشىلاردىڭ اتا-اناسىنان 101 گٷل سۇراتقانى تۋرالى پٸكٸرلەر دە ەلەۋمەتتٸك جەلٸدە تالقىعا تٷسكەن.
كٶپشٸلٸك مۇنداي بەسەكەنٸڭ بالالار اراسىندا ورىنسىز تٷسٸنٸك قالىپتاستىراتىنىن ايتادى. ولاردىڭ پٸكٸرٸنشە, مەكتەپ بٸتٸرۋ كەشتەرٸ بٸلٸم مەن تەربيەدەن گٶرٸ سەن-سالتانات جارىسىنا اينالىپ بارادى.
«قاراپايىم مەكتەپ بٸتٸرۋدٸڭ ٶزٸ ٷلكەن توي سەكٸلدٸ ٶتٸپ جاتىر. اتا-انالار بارا-بارا شىعىنعا باتىپ بارادى. مۇنداي شارالارعا شەكتەۋ قويۋ كەرەك», – دەپ جازدى جەلٸ قولدانۋشىلارىنىڭ بٸرٸ.
سونداي-اق جۇرت بٸلٸم باسقارمالارى مەن مەكتەپ ديرەكتورلارىن وسى مەسەلەگە نازار اۋدارۋعا شاقىرىپ وتىر. ولاردىڭ ايتۋىنشا, مەكتەپ ەكٸمشٸلٸگٸ ارتىق شىعىندى تالاپ ەتەتٸن باستامالارعا ناقتى شەكتەۋ قويسا, اتا-انالار دا قىسىم كٶرمەس ەدٸ.
جەلٸدە بۇل مەسەلە بويىنشا پٸكٸر ەكٸگە بٶلٸنگەن. بٸرٸ بۇعان اتا-انالاردىڭ ٶزٸن كٸنەلاسا, ەندٸ بٸرٸ مينيسترلٸكتٸڭ ارالاسۋىن سۇرايدى.
