وسىدان بٸر جارىم جىل بۇرىن رەسەيدە 48 ادامدى ٶرتتەن قۇتقارعان سەمەي قالاسىنىڭ تۇرعىنى ەرجان ومارحانوۆ «قازاقستاننىڭ 100 جاڭا ەسٸمٸ» جوباسىنىڭ ٷشٸنشٸ كەزەڭٸندە جەڭٸمپاز اتاندى, دەپ حابارلايدى قازاقپارات.
ٶتكەن جىلدىڭ تامىز ايىندا تٸركەلگەن وقشاۋ وقيعانى سول تۇستا قازاقستاندىق جەنە رەسەيلٸك باق ٶكٸلدەرٸ مەن ەلەۋمەتتٸك جەلٸ قولدانۋشىلارى جارىسا جازعان ەدٸ. 28 جاستاعى ەرجان كٶلٸك ساتىپ الۋ ٷشٸن «سەمەي - نوۆوسٸبٸر» باعىتىنداعى اۆتوبۋسپەن جولعا شىققان. بٸراق تٷنگٸ ساعات ٷشكە تاياۋ الەيسك قالاسىنىڭ تۇسىندا اۆتوبۋستان ٶرت شىققان. بۇل ۋاقىتتا جولاۋشىلاردىڭ بارلىعى تىنىش ۇيقىدا جاتقان ەكەن. ٶرت تۇتانعانىن تەك ەرجان عانا بايقاپتى. ول بٸردەن جٷرگٸزۋشٸگە اۆتوبۋستا ٶرت شىققانىن حابارلاپ, كٶلٸكتٸ توقتاتقانشا جولاۋشىلاردىڭ بٸرازى تٷتٸنگە ۋلانىپ ٷلگەرگەن. ەرجان وسىلايشا, اشىلماعان ەسٸكتٸ تەۋٸپ اشىپ, ساناۋلى سەكۋند ٸشٸندە بالادان قارتتارعا دەيٸن بەرٸن سىرتقا الىپ شىققان. اۆتوبۋس تولىعىمەن جانىپ كەتكەن.
«قازٸر ويلانىپ وتىرسام, بالا كەزدەن سپورتپەن اينالىسقانىمنىڭ ارقاسىندا سول تۇستا ادامداردى قۇتقارا الدىم دەپ ويلايمىن. باپكەرلەرٸمٸز ادامدارعا كٶمەكتەسٸڭدەر, مۇقتاجعا قول ۇشىن سوزىڭدار دەپ ٷيرەتتٸ. سپورتتىڭ ارقاسىندا امان قالدىق», - دەدٸ ەرجان امارحانوۆ ەلوردادا «قازاقستاننىڭ 100 جاڭا ەسٸمٸ» جوباسىنىڭ ٷشٸنشٸ كەزەڭٸنە وراي ٶتكٸزٸلگەن جيىننان كەيٸن.
سول كەزدە امان قالعان جولاۋشىلار ەلٸ كٷنگە دەيٸن ەرجانعا حابارلاسىپ, جاعدايىن بٸلٸپ تۇرادى ەكەن. ەرلٸك ەسكەرۋسٸز قالعان جوق. «لانكاستەر» اتتى الماتىلىق كومپانييانىڭ باسشىلارى ەرجانعا سەمەي قالاسىنان ٷي الىپ بەرٸپتٸ. ال سەمەي قالاسىنىڭ ەكٸمٸ ەرماك سەلٸموۆ 1 ميلليون تەڭگە تابىس ەتكەن.
ەرجان قازٸرگٸ تاڭدا سەمەيدە بالالاردى كٷرەسكە باۋليدى. قايىرىمدىلىقپەن دە اينالىسادى. جاقىندا قالا شەتٸندە جالعىز تۇراتىن 90 جاستاعى ەجەنٸ قامقورلىعىنا الىپ, Facebook ارقىلى كٶمەككە قارجى جيناعان.
ەسكە سالا كەتسەك, ەلوردادا «قازاقستاننىڭ 100 جاڭا ەسٸمٸ» جوباسىنىڭ ٷشٸنشٸ كەزەڭٸ ٶتتٸ. «قازاقستاننىڭ جاڭا ەسٸمدەرٸ» جوباسىنىڭ ماقساتى - تەۋەلسٸزدٸك جىلدارى قازاقستاننىڭ دامۋىنا ەلەۋلٸ ٷلەس قوسقان ادامداردىڭ تاريحى مىسالىندا تابىستىلىق, بەسەكەگە قابٸلەتتٸلٸك, پراگماتيزم جەنە بٸلٸمگە تابىنۋ يدەيالارىن ٸلگەرٸلەتۋ.
بيىل جوباعا قاتىسۋ ٷشٸن 1673 انكەتا قابىلدانعان. جالپى, بارلىق قاتىسۋشىعا 700 مىڭنان اسا داۋىس بەرٸلگەن. بارلىق كەزەڭنٸڭ قورىتىندىسى بويىنشا بيىل 32 جەڭٸمپاز انىقتالدى.
.jpeg)