يە, قازاقستان – تۇتاس مەملەكەت بولسا, ونىڭ ٶركەندەپ ٶسۋٸ, كٶركەيٸپ, كەمەلدەنۋٸ ەر ايماقتىڭ ٶزٸندٸك تٸرشٸلٸك تىنىسىنا قاراي ەر باعىتتا جٷيەلٸ جٷزەگە اسىرىلىپ جاتقان جۇمىستاردىڭ نەتيجەسٸمەن باعالانادى. ولاي بولسا, ەلٸمٸزدٸڭ ەكونوميكالىق ەلەۋەتٸنٸڭ ارتىپ, ەلەۋمەتتٸك جاعدايىنىڭ تۇراقتالۋى جولىندا بٷگٸنگٸ قوعامنىڭ بەسەكەلەستٸك تالابىنا ساي تەر تٶگٸپ جٷرگەن ازاماتتار قاتارى از ەمەس.
تەۋەلسٸزدٸك جىلدارىندا ەل ەكونوميكاسى اسا سىندارلى كەزەڭنەن ٶتكەنٸ بەلگٸلٸ. سول كەزەڭدە ەلەۋمەتتٸك سالانىڭ اۋقىمدى بٸر بٶلٸگٸ – دەنساۋلىق ساقتاۋ سالاسىنىڭ الدىندا تۇرعان كٶپتەگەن كٷرمەۋلٸ مەسەلەلەردٸ شەشۋدٸڭ وڭايعا سوقپاعانى انىق. دەسەك تە, ٶتپەلٸ قيىندىقتارعا دەس بەرمەي, ەلٸمٸزدە مەديتسينا سالاسىنىڭ ەلەمدٸك ستاندارتتارعا ساي جاڭا مٷمكٸندٸكتەرگە قول جەتكٸزٸپ, حالىققا جوعارى ساپادا قىزمەت كٶرسەتۋ ٸسٸن جولعا قويعان جەرلەسٸمٸز تابىنباەۆ ناريمان بولتايۇلىنىڭ ەڭبەگٸن ەل-جۇرت ەرەكشە باعالايدى.
العاشقى ەڭبەك جولىن 1984-1986 جىلدارى قىزىل¬وردا وبلىسى جالاعاش اۋداندىق اۋرۋحاناسىندا دەرٸگەر بولىپ باستاعان ول ٶز ماماندىعىنىڭ ادام ٶمٸرٸ ٷشٸن ٶتە جاۋاپتى ەكەنٸن سەزٸندٸ. كٷنٸ-تٷنٸ ۋاقىتپەن ساناسپاي, ٶمٸرٸ ٷشٸن ارپالىسقان تالاي جانداردىڭ تاعدىرىنا اراشا تٷستٸ.
يە, تەۋەلسٸزدٸك جىلدارىنداعى تاباندى ەڭبەك ەتكەن بٸلٸكتٸ دەرٸگەر مەديتسينا سالاسى بويىنشا كٶپتەگەن جەتٸستٸكتەرگە جەتتٸ. اتاپ ايتار بولساق, ول 130 عىلىم ماقالالاردىڭ, 5 مونوگرافييانىڭ, 2 وقۋ قۇرالى¬نىڭ, 5 ەدٸستەمەلٸك نۇسقاۋلىقتىڭ, 9 اۆتورلىق كۋەلٸكتٸڭ يەسٸ. سونداي-اق, ونىڭ جەتەكشٸلٸگٸمەن 3 مەديتسينا عىلىمدارىنىڭ كانديداتى عىلىمي دەرەجەسٸن قورعادى.
بٷگٸندە ول مەديتسينا عىلىمدارىنىڭ دوكتورى, پروفەسسور, دەنساۋلىق ساقتاۋ ٸسٸندە جوعارى -ساناتتى بٸلٸكتٸ دەرٸگەر-ۋرولوگ, ەۋروپالىق ۋرولوگتار اسسوتسياتسيياسىنىڭ مٷشەسٸ, قر كلينيكالىق جەنە فۋندامەنتالدىق مەديتسينا عىلىم اكادەميياسىنىڭ اكادەميگٸ, ب.ۋ.دجاربۋرسىن اتىنداعى ۇلتتىق عىلىمي ۋرولوگييا ورتالىعىنىڭ قۇرمەتتٸ پروفەسسورى.
قازاقستان رەسپۋبليكاسى دەنساۋلىق ساقتاۋ ٸسٸنٸڭ ٷزدٸگٸ, قر دەنساۋلىق ساقتاۋ مينيسترلٸگٸ تاراپىنان «قۇرمەت گراموتاسىن», «شاپاعات» مەدالٸن يەلەنگەن بٸلٸكتٸ دە بٸرەگەي مامان.
وسىنشا بيٸك لاۋازىم, اتاق, ابىرويدىڭ تٶرٸندە تۇرسا دا, ول كٸسٸمەن ەڭگٸمەلەسۋ بارىسىندا بويىنداعى قاراپايىمدىلىق قاسيەتٸن, ادامي بولمىسىنىڭ بارىنشا شىنايىلىعىن, ازاماتتىق ۇستانىمىنىڭ بەرٸكتٸگٸن اڭعاردىق.
انتىنا ادال ەڭبەگٸمەن, حالقىنا قالتقىسىز قىزمەت ەتٸپ كەلە جاتقان بٸلٸكتٸ دەرٸگەر, مەديتسينا عىلىمدارىنىڭ دوكتورى, پروفەسسور ناريمان بولتايۇلىنىڭ ايتۋىنشا, رۋحاني جاڭعىرۋدىڭ مەنٸ – تابيعي قالپىمىزدى ساقتاي وتىرىپ, جاھاندىق دامۋدىڭ جاعىمدى جاڭالىقتارىن قابىلداي بٸلۋ قاجەت.
