ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Kóztartar

"100 jańa esim". Antyna adal azamat

Ult portaly
"100 jańa esim". Antyna adal azamat
Elbasy óziniń «Bolashaqqa baǵdar: Rýhani jańǵyrý» atty maqalasynda «Qazaqstandaǵy 100 jańa esim» jobasyn qolǵa alyp, elimizdiń táýelsizdigi jyldarynda tabysqa jetken azamattardyń esimderin tarih taraýyna engizip, olardyń san taraý ómir joldaryndaǵy óreli isterin óskeleń urpaqqa nasihattaý qajettigin atap kórsetti.

Iá, Qazaqstan – tutas memleket bolsa, onyń órkendep ósýi, kórkeiip, kemeldenýi ár aimaqtyń ózindik tirshilik tynysyna qarai ár baǵytta júieli júzege asyrylyp jatqan jumystardyń nátijesimen baǵalanady. Olai bolsa, elimizdiń ekonomikalyq áleýetiniń artyp, áleýmettik jaǵdaiynyń turaqtalýy jolynda búgingi qoǵamnyń básekelestik talabyna sai ter tógip  júrgen azamattar qatary az emes.

Táýelsizdik jyldarynda el ekonomikasy asa syndarly kezeńnen ótkeni belgili. Sol kezeńde áleýmettik salanyń aýqymdy bir bóligi – densaýlyq saqtaý salasynyń aldynda turǵan kóptegen kúrmeýli máselelerdi sheshýdiń ońaiǵa soqpaǵany anyq. Desek te, ótpeli qiyndyqtarǵa des bermei, elimizde meditsina salasynyń álemdik standarttarǵa sai jańa múmkindikterge qol jetkizip, halyqqa joǵary sapada qyzmet kórsetý isin jolǵa qoiǵan jerlesimiz Tabynbaev Nariman Boltaiulynyń eńbegin el-jurt  erekshe baǵalaidy.

Ol 1961 jyl 23 aqpanda Qyzylorda oblysy, Jala¬ǵash aýdany, Jalaǵash kentinde dúniege kelgen. Aýdan  ortalyǵyndaǵy №31 orta mektebinde oqyp júrgen bozbala shaǵynda ol adam ómirine arasha turyp, dertine daýa tabatyn dáriger bolýdy armandaityn. Tek armandap qana qoiǵan joq, boiyndaǵy taýdai talabyn shyńdap, aldyna biik maqsat qoidy. Osylaisha 1984 jyly Almaty memlekettik meditsina institýtyna  (qazirgi Qazaq ulttyq meditsina ýniversiteti) túsip, joǵary bilim alady.

Alǵashqy eńbek jolyn 1984-1986 jyldary Qyzyl¬orda oblysy Jalaǵash aýdandyq aýrýhanasynda dáriger bolyp bastaǵan ol óz mamandyǵynyń adam ómiri úshin óte jaýapty ekenin sezindi. Kúni-túni ýaqytpen sanaspai, ómiri úshin arpalysqan talai jandardyń taǵdyryna arasha tústi.  

Al 1986-1993 jyldary Qyzylorda oblystyq aýrýhanasynda bólim meńgerýshisi, bas dárigerdiń orynbasary, 1994-1996 jyldary Almaty oblysy Qarasai aýdandyq aýrýhanasynda dáriger, bas dárigerdiń orynbasary, 1997-2007 jyldary Ýrologiia ǵylymi ortalyǵynda ǵylymi qyzmetker, aǵa ǵylymi qyzmetker, bólim meńgerýshisi, 2007-2008 jyldary bas dáriger bolyp qyzmet atqarǵan jyldarynda jalpy meditsina salasyn zaman talabyna sai jańǵyrtý máselesine erekshe kóńil bóledi. Bilikti maman 2008 jyly Qyzylorda qalasyndaǵy meditsinalyq ortalyqtyń bas dárigeri bolǵan kezinde bilimi men tájiribesin aianbai jumsap, sala jumysyna serpin berdi. Al 2014 jyly «Biznestiń Jol kartasy – 2020» memlekettik baǵdarlamasy boiynsha oblys ortalyǵynan «MEDIUM» andrologiia jáne ýrologiia ortalyǵyn ashyp, búginge deiin aimaq turǵyndaryna sapaly qyzmet kórsetip keledi. Aitalyq, bul ortalyqta bilikti dárigerlerdiń keńesi, ýltradybystyq jáne laboratoriialyq diagnostika, fizioterapevtik, protsedýralyq kabinetter qyzmeti, kúndizgi statsionar jumys jasaidy.Búginde bul ortalyq elimizdegi ýrologiia ǵylymi ortalyǵynyń filialy deńgeiinde qyzmet kórsetedi.  «MEDIUM» JShS mekemesin dárigerdiń jubaiy Madina Tabynbaeva basqarady. Al Nariman Boltaiuly munda joǵary sapada dárigerlik qyzmet kórsetedi.    

 

Qazirgi tańda N.Tabynbaev «Onkologiia jáne transplantologiia ulttyq ǵylymi ortalyǵy» aktsionerlik qoǵamynyń Basqarma tóraǵasy.

Iá, Táýelsizdik jyldaryndaǵy tabandy eńbek etken bilikti dáriger  meditsina salasy boiynsha kóptegen jetistikterge jetti. Atap aitar bolsaq, ol 130 ǵylym maqalalardyń, 5 monografiianyń, 2 oqý quraly¬nyń, 5 ádistemelik nusqaýlyqtyń, 9 avtorlyq kýáliktiń iesi. Sondai-aq, onyń jetekshiligimen 3 meditsina ǵylymdarynyń kandidaty ǵylymi dárejesin qorǵady.

Búginde ol Meditsina ǵylymdarynyń doktory, professor, densaýlyq saqtaý isinde joǵary -sanatty bilikti dáriger-ýrolog, Eýropalyq ýrologtar assotsiatsiiasynyń múshesi, QR klinikalyq jáne fýndamentaldyq meditsina ǵylym akademiiasynyń akademigi, B.Ý.Djarbýrsyn atyndaǵy Ulttyq ǵylymi ýrologiia ortalyǵynyń qurmetti professory.

Qazaqstan Respýblikasy Densaýlyq saqtaý isiniń úzdigi, QR Densaýlyq saqtaý ministrligi tarapynan «Qurmet gramotasyn», «Shapaǵat» medalin ielengen bilikti de biregei maman.

Osynsha biik laýazym, ataq, abyroidyń tórinde tursa da, ol kisimen áńgimelesý barysynda boiyndaǵy qarapaiymdylyq qasietin, adami bolmysynyń barynsha shynaiylyǵyn, azamattyq ustanymynyń beriktigin ańǵardyq.

Antyna adal eńbegimen, halqyna qaltqysyz qyzmet etip kele jatqan bilikti dáriger, meditsina ǵylymdarynyń doktory, professor Nariman Boltaiulynyń aitýynsha,  rýhani jańǵyrýdyń máni – tabiǵi qalpymyzdy saqtai otyryp, jahandyq damýdyń jaǵymdy jańalyqtaryn qabyldai bilý qajet.      

Ǵaziza ÁBILDA

Oqi otyryńyz