يندونەزييا سوڭعى 15 جىل ٸشٸندە توپىراق قاباتىنىڭ شٶگۋٸ جەنە تەڭٸز دەڭگەيٸنٸڭ كٶتەرٸلۋٸنە بايلانىستى, قۇرلىقتاعى 29 مىڭ گەكتارداي جەرٸنەن ايىرىلدى.
بۇل دجاكارتانىڭ اۋدانىمەن پارا-پار. بۇل جايلى The Jakarta Post گازەتٸ جازدى, دەپ حابارلايدى "ۇلت اقپارات".
ەلدٸڭ تەڭٸز ٸستەرٸ جەنە بالىق شارۋاشىلىعى مينيسترلٸگٸنٸڭ دەرەكتەرٸنە قاراعاندا, ياۆا ارالىنداعى جاعداي قاتتى الاڭداتادى. ارالدىڭ سولتٷستٸك جاعالاۋىنداعى جەر كٷشتٸ ەروزيياعا ۇشىراعان.
بۇعان تەڭٸزدٸڭ قۋاتتى تولقىندارى, سونىمەن قاتار جەرگٸلٸكتٸ تۇرعىنداردىڭ شارۋاشىلىق قىزمەتٸ دە ەسەر ەتٸپ وتىر. كەسٸلگەن ورماندار مەن پلانتاتسييالاردىڭ ورنى جىلدام ەروزيياعا ۇشىراپ بارادى.
ساراپشىلاردىڭ ايتۋىنشا, دجاكارتادا توپىراق قاباتى جىلىنا 10-25 سم شٶگەدٸ. بيلٸكتٸ الاڭداتاتىن تاعى بٸر جايت, قالا اۋماعىنىڭ 40%-عا جۋىعى ونسىز دا تەڭٸز دەڭگەيٸنەن تٶمەن ورنالاسقان. ەگەر جاعداي وڭالماسا, 2030 جىلعا قاراي دجاكارتا تولىقتاي سۋ استىندا قالۋى مٷمكٸن.
قازٸرگٸ تاڭدا دجاكارتادا ون ميلليونعا جۋىق حالىق تۇرادى.
