قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا اعىمداعى جىلدىڭ 10 ايىندا ٶڭدەۋ ٶنەركەسٸبٸ, كٶلٸك جەنە قۇرىلىس سالالارىن دامىتۋ تۋرالى مەسەلە قارالدى.
وتىرىستا بايانداما جاساعان قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ بٷگٸنگٸ تاڭدا ەكونوميكانىڭ ٶسۋٸ باياۋلاسا دا, ٶڭدەۋ ٶنەركەسٸبٸ ٶسٸمنٸڭ نەگٸزگٸ درايۆەرٸ بولىپ وتىرعانىن اتاپ ٶتتٸ, دەپ حابارلايدى "ۇلت اقپارات".
2020 جىلدىڭ 10 ايىنىڭ قورىتىندىسىندا ٶڭدەۋ ٶنەركەسٸبٸندەگٸ ٶندٸرٸس 3,2%-عا ٶستٸ.
مينيستردٸڭ ايتۋىنشا, ٶڭدەۋشٸ سالانىڭ بارلىق سەكتورىندا وڭ ديناميكا بايقالادى.
ماشينا جاساۋ سالاسىندا بيىل 10 ايدا تۇراقتى ٶسٸم ساقتالدى.
ەسەپتٸ كەزەڭدە سالانىڭ ناقتى كٶلەم يندەكسٸ 116,5% قۇرادى.
اۆتوكٶلٸك قۇرالدارى, ترەيلەرلەر جەنە جارتىلاي تٸركەمەلەر 53,6%, ٶزگە كٶلٸك قۇرالدارىن جاساۋ 87,1%, ەلەكتر جابدىقتارىن جاساۋ 3%, ماشينالار مەن جابدىقتار ٶندٸرٸسٸ 4,3% ٶستٸ.
تٷستٸ مەتاللۋرگييادا ٶندٸرٸس كٶلەمٸ 1,9%-عا ارتتى.
وعان تازارتىلعان التىن 6,4%, راففينيرلەنگەن مىس 8%, قۇيما التىن ٶندٸرۋ 35%, تٷيٸرشٸكتەردەگٸ كٷمٸس 25%, باستاپقى اليۋمينيي 1% جەنە باسقا دا كٶرسەتكٸشتەردٸڭ ٶسۋٸ ارقىلى قول جەتكٸزٸلدٸ.
قارا مەتاللۋرگييادا ٶسٸم 0,3% بولدى.
ارماتۋرا يلەمٸ 11%, فەررو-سيليكو-مارگانەتس 13%, ارماتۋرالار, شارلار جەنە دومالاق شىبىقتاردىڭ تاۋار ٶندٸرٸسٸ 3% ٶستٸ.
اتامقۇلوۆ اتاپ ٶتكەندەي, جاڭا جاعدايعا بەيٸمدەلٸپ, جاڭا ٶندٸرٸستەردٸ جولعا قويۋ ارقىلى ٶندٸرٸس قۋاتىن ارتتىرۋ فارماتسەۆتيكا ٶنەركەسٸبٸندە 39,7% ٶسۋگە قول جەتكٸزۋگە مٷمكٸندٸك بەردٸ.
جەڭٸل ٶنەركەسٸپتە ٶندٸرٸس 16,4% ٶستٸ, ول توقىما بۇيىمدارى ٶندٸرٸسٸنٸڭ 4,4%, كيٸمنٸڭ 1,4% جەنە بىلعارى ٶنٸمدەردٸڭ 160,3% ۇلعايۋى ەسەبٸنەن مٷمكٸن بولدى.
قاعاز جەنە قاعاز ٶنٸمدەرٸندە ٶندٸرٸس كٶلەمٸنٸڭ ٶسٸمٸ 15% قۇرادى.
اعاش جەنە تىعىن بۇيىمدارىنىڭ ٶندٸرٸس كٶلەمٸ 52,6% قامتاماسىز ەتٸلدٸ.
كٶلٸك سالاسىندا ناقتى كٶلەم يندەكسٸ 2020 جىلدىڭ 10 ايىندا 82,7% قۇرادى.
«پاندەمييانىڭ كٶلٸك سالاسىنا تەرٸس ەسەرٸنە قاراماستان, ونىڭ جەكەلەگەن باعىتتارىندا ٶسٸم بايقالدى», — دەدٸ اتامقۇلوۆ.
كونتەينەرلەردٸڭ ترانزيتتٸك تاسىمالى ٶتكەن جىلدىڭ وسى كەزەڭٸمەن سالىستىرعاندا 35,4%-عا ارتىپ, 718 مىڭ جيىرما فۋنتتىق بالامانى قۇرادى.
كٶلٸكتٸڭ بارلىق تٷرٸمەن جٷك تاسىمالداۋ كٶلەمٸ 3,2 ملرد توننانى قۇرادى.
2020 جىلدىڭ قازان ايىندا تاسىمالدانعان جولاۋشىلار سانى قىركٷيەك ايىمەن سالىستىرعاندا 15,5%-عا ٶستٸ.
ەۋە تاسىمالى ارقىلى جولاۋشىلار تاسىمالداۋ 1,6%-عا ارتىپ, 621 مىڭ ادامدى قۇرادى.
قىتاي-ەۋروپا-قىتاي باعىتىندا كونتەينەرلٸك تاسىمالدار 10%-عا نەمەسە 5,1 جيىرما فۋنتتىق بالاماعا ارتىپ, 55,9 جيىرما فۋنتتىق بالاماعا جەتتٸ.
جٷك تاسىمالى سالاسىندا دا ٶسٸم بار. اتاپ ايتقاندا, قازان ايىندا جٷك تاسىمالىنىڭ جالپى كٶلەمٸ 2020 جىلعى قىركٷيەكپەن سالىستىرعاندا 3,4%-عا ٶستٸ.
قۇرىلىس سالاسىندا ناقتى كٶلەم يندەكسٸ 2020 جىلدىڭ 10 ايىندا 110,7% قۇرادى.
15 ٶڭٸردە وڭ ديناميكا بايقالادى.
تۇرعىن ٷي قۇرىلىسىندا بيىلعى 10 ايدىڭ قورىتىندىسىندا 10 ملن 744 مىڭ شارشى مەتر باسپانا سالىندى, بۇل ٶتكەن جىلدىڭ وسىنداي كەزەڭٸمەن سالىستىرعاندا 109,7% قۇرايدى.
بٷگٸنگە تاڭعا رەسپۋبليكا بويىنشا بارلىعى 94 مىڭ 737 باسپانا پايدالانۋعا بەرٸلدٸ.
ٶتكەن جىلمەن سالىستىرعاندا تۇرعىن ٷيدٸ پايدالانۋعا بەرۋ كٶلەمٸنٸڭ 15 ٶڭٸردە ارتقانى بايقالادى.
«مينيسترلٸك 2020 جىلعا قويىلعان مٸندەتتەردٸ ورىنداۋ ٷشٸن رەتسەسسيياسىنىڭ تارالۋىن تەجەۋ جەنە بارىنشا زارداپ شەككەن سالالارداعى جاعدايدى تۇراقتاندىرۋ ٷشٸن قاجەتتٸ بارلىق شارانى قابىلداپ جاتىر. جىل قورىتىندىسىندا جوسپارلى كٶرسەتكٸشتەرگە قول جەتكٸزەمٸز», — دەپ تٷيٸندەدٸ اتامقۇلوۆ.
