QR Premer-Ministri Asqar Maminniń tóraǵalyǵymen ótken Úkimet otyrysynda aǵymdaǵy jyldyń 10 aiynda óńdeý ónerkásibi, kólik jáne qurylys salalaryn damytý týraly másele qaraldy.
Otyrysta baiandama jasaǵan QR indýstriia jáne infraqurylymdyq damý ministri Beibit Atamqulov búgingi tańda ekonomikanyń ósýi baiaýlasa da, óńdeý ónerkásibi ósimniń negizgi draiveri bolyp otyrǵanyn atap ótti, dep habarlaidy "Ult aqparat".
2020 jyldyń 10 aiynyń qorytyndysynda óńdeý ónerkásibindegi óndiris 3,2%-ǵa ósti.
Ministrdiń aitýynsha, óńdeýshi salanyń barlyq sektorynda oń dinamika baiqalady.
Mashina jasaý salasynda biyl 10 aida turaqty ósim saqtaldy.
Esepti kezeńde salanyń naqty kólem indeksi 116,5% qurady.
Avtokólik quraldary, treilerler jáne jartylai tirkemeler 53,6%, ózge kólik quraldaryn jasaý 87,1%, elektr jabdyqtaryn jasaý 3%, mashinalar men jabdyqtar óndirisi 4,3% ósti.
Tústi metallýrgiiada óndiris kólemi 1,9%-ǵa artty.
Oǵan tazartylǵan altyn 6,4%, raffinirlengen mys 8%, quima altyn óndirý 35%, túiirshikterdegi kúmis 25%, bastapqy aliýminii 1% jáne basqa da kórsetkishterdiń ósýi arqyly qol jetkizildi.
Qara metallýrgiiada ósim 0,3% boldy.
Armatýra ilemi 11%, ferro-siliko-marganets 13%, armatýralar, sharlar jáne domalaq shybyqtardyń taýar óndirisi 3% ósti.
Atamqulov atap ótkendei, jańa jaǵdaiǵa beiimdelip, jańa óndiristerdi jolǵa qoiý arqyly óndiris qýatyn arttyrý farmatsevtika ónerkásibinde 39,7% ósýge qol jetkizýge múmkindik berdi.
Jeńil ónerkásipte óndiris 16,4% ósti, ol toqyma buiymdary óndirisiniń 4,4%, kiimniń 1,4% jáne bylǵary ónimderdiń 160,3% ulǵaiýy esebinen múmkin boldy.
Qaǵaz jáne qaǵaz ónimderinde óndiris kóleminiń ósimi 15% qurady.
Aǵash jáne tyǵyn buiymdarynyń óndiris kólemi 52,6% qamtamasyz etildi.
Kólik salasynda naqty kólem indeksi 2020 jyldyń 10 aiynda 82,7% qurady.
«Pandemiianyń kólik salasyna teris áserine qaramastan, onyń jekelegen baǵyttarynda ósim baiqaldy», — dedi Atamqulov.
Konteinerlerdiń tranzittik tasymaly ótken jyldyń osy kezeńimen salystyrǵanda 35,4%-ǵa artyp, 718 myń jiyrma fýnttyq balamany qurady.
Kóliktiń barlyq túrimen júk tasymaldaý kólemi 3,2 mlrd tonnany qurady.
2020 jyldyń qazan aiynda tasymaldanǵan jolaýshylar sany qyrkúiek aiymen salystyrǵanda 15,5%-ǵa ósti.
Áýe tasymaly arqyly jolaýshylar tasymaldaý 1,6%-ǵa artyp, 621 myń adamdy qurady.
Qytai-Eýropa-Qytai baǵytynda konteinerlik tasymaldar 10%-ǵa nemese 5,1 jiyrma fýnttyq balamaǵa artyp, 55,9 jiyrma fýnttyq balamaǵa jetti.
Júk tasymaly salasynda da ósim bar. Atap aitqanda, qazan aiynda júk tasymalynyń jalpy kólemi 2020 jylǵy qyrkúiekpen salystyrǵanda 3,4%-ǵa ósti.
Qurylys salasynda naqty kólem indeksi 2020 jyldyń 10 aiynda 110,7% qurady.
15 óńirde oń dinamika baiqalady.
Turǵyn úi qurylysynda biylǵy 10 aidyń qorytyndysynda 10 mln 744 myń sharshy metr baspana salyndy, bul ótken jyldyń osyndai kezeńimen salystyrǵanda 109,7% quraidy.
Búginge tańǵa respýblika boiynsha barlyǵy 94 myń 737 baspana paidalanýǵa berildi.
Ótken jylmen salystyrǵanda turǵyn úidi paidalanýǵa berý kóleminiń 15 óńirde artqany baiqalady.
«Ministrlik 2020 jylǵa qoiylǵan mindetterdi oryndaý úshin retsessiiasynyń taralýyn tejeý jáne barynsha zardap shekken salalardaǵy jaǵdaidy turaqtandyrý úshin qajetti barlyq sharany qabyldap jatyr. Jyl qorytyndysynda josparly kórsetkishterge qol jetkizemiz», — dep túiindedi Atamqulov.
