قازاقستاندا باستاۋىش سىنىپ وقۋشىلارىن باعالاۋ جٷيەسٸ ٶزگەرەدٸ. 2026 جىلعى 1 قىركٷيەكتەن باستاپ 2-4 سىنىپ وقۋشىلارى جاڭارتىلعان تەرتٸپ بويىنشا باعالانادى, دەپ حابارلايدى ult.kz.
بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە وقۋ-اعارتۋ بٸرٸنشٸ ۆيتسە-مينيسترٸ شىنار اقپاروۆا مەلٸمدەدٸ.
مينيسترلٸك بۇل ٶزگەرٸستەردٸ اتا-انالاردىڭ ٶتٸنٸشتەرٸ, پەداگوگتەردٸڭ ۇسىنىستارى مەن تەجٸريبەسٸ, وقۋشىلاردىڭ وقۋ جەتٸستٸكتەرٸن مونيتورينگتەۋ نەتيجەلەرٸ جەنە وتاندىق ەرٸ حالىقارالىق زەرتتەۋلەردٸڭ قورىتىندىلارى نەگٸزٸندە ەنگٸزٸپ وتىر.
بۇل رەتتە كريتەريالدى باعالاۋ جٷيەسٸ ساقتالادى.
بٸرٸنشٸ سىنىپ وقۋشىلارىنا بۇرىنعىداي باعا قويىلمايدى. ال 2-4 سىنىپتاردا فورماتيۆتٸك باعالاۋ ساقتالىپ, ونىڭ توقساندىق باعاداعى ٷلەسٸ ارتادى. ول بۇرىنعىداي 1-دەن 10 بالعا دەيٸنگٸ شكالا بويىنشا جٷرگٸزٸلەدٸ, بٸراق بالل قويۋ تەرتٸبٸ ناقتىلانادى.
ارالىق باعالاۋ ەنگٸزٸلەدٸ
جاڭا جٷيەدە وقۋ بٶلٸمدەرٸن مەڭگەرۋ دەڭگەيٸن انىقتاۋ ٷشٸن ارالىق باعالاۋ ەنگٸزٸلەدٸ.
فورماتيۆتٸك باعالاۋ وقۋشىنىڭ كٷندەلٸكتٸ وقۋ بارىسىنداعى جەتٸستٸگٸن كٶرسەتسە, ارالىق باعالاۋ بەلگٸلٸ بٸر وقۋ بٶلٸمٸ اياقتالعاننان كەيٸن مەڭگەرٸلگەن بٸلٸم مەن داعدىلاردى قورىتىندىلاۋعا مٷمكٸندٸك بەرەدٸ.
وسىعان بايلانىستى توقسان سوڭىندا بٶلەك تجب ٶتكٸزٸلمەيدٸ. وقۋ بٶلٸمدەرٸنٸڭ نەتيجەسٸ ارالىق باعالاۋ ارقىلى انىقتالادى. سونداي-اق توقسان سوڭىندا بۇعان دەيٸن باعالانعان بٶلٸمدەردٸڭ بارلىعىن قامتيتىن جەكە جيىنتىق جۇمىس جٷرگٸزٸلمەيدٸ.
نەتيجەسٸندە توقسان ٸشٸندەگٸ باعالاۋ جۇمىستارىنىڭ سانى بٸر جۇمىسقا قىسقارادى. مينيسترلٸك بۇل وقۋشىلاردىڭ باعالاۋ جٷكتەمەسٸن ازايتىپ, مۇعالٸمدەردٸڭ تجب تاپسىرمالارىن ەزٸرلەۋ, ٶتكٸزۋ جەنە تەكسەرۋگە جۇمسايتىن ۋاقىتىن قىسقارتاتىنىن اتاپ ٶتتٸ.
ارالىق باعالاۋدىڭ فورماتى دا ٶزگەرەدٸ. ونىڭ نەگٸزگٸ تٷرلەرٸنٸڭ بٸرٸ رەتٸندە ديكتانت, باقىلاۋ جۇمىسى, شىعارما جەنە مازمۇنداما سيياقتى جازباشا جۇمىستار قاراستىرىلادى.
ولاردى ورىنداۋعا وقۋشىلارعا تولىق 45 مينۋتتىق ساباق ۋاقىتى بەرٸلەدٸ.
