وسى جىلدىڭ 5 ايىندا 1 مىڭنان استام جٷرگٸزۋشٸ قىلمىستىق جاۋاپكەرشٸلٸككە تارتىلدى. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ باسقارما باستىعى اسقار تەجەنوۆ مەلٸم ەتتٸ, دەپ حابارلايدى قازاقپارات.
«ماس كٷيدە جول-كٶلٸك وقيعاسىن جاساعان جاعدايدا ونىڭ سالدارىنىڭ اۋىرلىعىنا بايلانىستى ٶمٸر بوي كٶلٸك جٷرگٸزۋ قۇقىعىنان ايىرۋ ارقىلى قىلمىستىق جاۋاپكەرشٸلٸك كٶزدەلگەن. وسى جىلدىڭ 5 ايىندا 1 مىڭنان استام جٷرگٸزۋشٸ قىلمىستىق جاۋاپكەرشٸلٸككە تارتىلدى», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگ بارىسىندا.
ونىڭ اتاپ ٶتۋٸنشە, ماس كٷيدە كٶلٸك باسقارعانى ٷشٸن جاۋاپكەرشٸلٸكتٸڭ كٷشەيتٸلگەنٸنە, ٸس-ەرەكەتتەرٸنٸڭ قاۋٸپتٸ ەكەندٸگٸنە قاراماستان كەيبٸر جٷرگٸزۋشٸلەر ٸشٸمدٸك ٸشٸپ ماشينا جٷرگٸزۋدەن تيىلار ەمەس.
«ٶكٸنٸشكە وراي مۇنداي جٷرگٸزۋشٸلەر جيٸ جول-كٶلٸك وقيعاسىن جاسايدى. وسىعان وراي كٶلٸك جٷرگٸزۋشٸلەرٸن جول جٷرٸسٸ ەرەجەسٸن, جەكە قاۋٸپسٸزدٸگٸن قاتاڭ ساقتاۋعا, ماس كٷيدە كٶلٸك قۇرالىن باسقارۋ فاكتٸلەرٸنە تٶزٸمسٸزدٸك تانىتۋعا شاقىرامىز», - دەدٸ اسقار تەجەنوۆ.
