Osy jyldyń 5 aiynda 1 myńnan astam júrgizýshi qylmystyq jaýapkershilikke tartyldy. Bul týraly QR IIM Ákimshilik politsiia komitetiniń basqarma bastyǵy Asqar Tájenov málim etti, dep habarlaidy QazAqparat.
«Mas kúide jol-kólik oqiǵasyn jasaǵan jaǵdaida onyń saldarynyń aýyrlyǵyna bailanysty ómir boi kólik júrgizý quqyǵynan aiyrý arqyly qylmystyq jaýapkershilik kózdelgen. Osy jyldyń 5 aiynda 1 myńnan astam júrgizýshi qylmystyq jaýapkershilikke tartyldy», - dedi ol IIM baspasóz qyzmeti alańynda ótken brifing barysynda.
Onyń atap ótýinshe, mas kúide kólik basqarǵany úshin jaýapkershiliktiń kúsheitilgenine, is-áreketteriniń qaýipti ekendigine qaramastan keibir júrgizýshiler ishimdik iship mashina júrgizýden tiylar emes.
«Ókinishke orai mundai júrgizýshiler jii jol-kólik oqiǵasyn jasaidy. Osyǵan orai kólik júrgizýshilerin Jol júrisi erejesin, jeke qaýipsizdigin qatań saqtaýǵa, mas kúide kólik quralyn basqarý faktilerine tózimsizdik tanytýǵa shaqyramyz», - dedi Asqar Tájenov.
