42 500 تەڭگە الۋعا بٸرنەشە ٶتٸنٸش جازعاندار بار. بۇل تۋرالى ورتالىق كوممۋنيكاتسييالار قىزمەتٸندە ٶتكەن ونلاين بريفينگتە ايتىلدى, دەپ حابارلايدى قازاقپارات.
«بٷگٸنگٸ تاڭدا 938 مىڭ ادامنان 1 284 000 ٶتٸنٸش تٷستٸ. دەمەك, بٸر ادام بٸرنەشە رەت ٶتٸنٸش بەرٸپ وتىر. مٷمكٸن قاتەلەسٸپ, جاڭىلىسىپ جٸبەرگەن بولارسىزدار. بٸراق «2-3 رەت ٶتٸنٸش بەرسەم, 42 500 تەڭگەنٸ 2-3 رەت الام» دەپ ويلاساڭىز – قاتەلەسەسٸز. اقپاراتتىق جٷيە ونىڭ بەرٸن تەكسەرٸپ, رەتتەپ الادى», - دەيدٸ قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ.
ول ٶتٸنٸش بەرگەن ادام تٶتەنشە جاعدايعا بايلانىستى تابىسىنان ايىرىلعانىن راستايتىنىن ايتتى.
«ٶتٸنٸش بەرگەن كەزدە پورتالدىڭ استىڭعى جاعىندا «مەن جۇمىس ٸستەپ جٷرٸپ, تٶتەنشە جاعدايعا قاتىستى تابىسىمنان ايىرىلعانىمدى راستايمىن جەنە ٶزٸمە جاۋاپكەرشٸلٸكتٸ الامىن» دەگەن سٶز بار. سٸز ول جولداردى وقىدىڭىز, ال بٸز سٸزگە سەندٸك دەگەندٸ بٸلدٸرەدٸ. مۇنى نە ٷشٸن ايتىپ وتىرمىز? بۇل تٶلەمدٸ سوعان مۇقتاج ادامدار السا دەگەن نيەتٸمٸز بار. جۇما, سەنبٸ كٷندەرٸ العاشقى 412 مىڭ ادامنان ٶتٸنٸش قابىلداعان كەزدە بٸز تەكسەرٸس جاساپ كٶردٸك. 1873 ادام ٶتٸنٸش بەرگەن, بٸراق اقپاراتتىق جٷيە ارقىلى تەكسەرٸپ ەدٸك, ولار قاڭتار, اقپان, ناۋرىز ايلارىندا ورتا ەسەپپەن 500 مىڭ -1 ملن تەڭگەدەن استام تابىس العان ازاماتتار ەكەنٸ انىقتالدى. بۇل – دۇرىس ەمەس, سٸزدەرگە 42 500 تەڭگە تٶلەنبەيدٸ», - دەيدٸ ول.
