شومىلۋ ماۋسىمى باستالعالى ەلٸمٸزدە 72 ادام, سونىڭ ٸشٸندە 27 بالا سۋعا كەتٸپ, مەرت بولدى. بۇل تۋرالى قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸ حابارلادى.
سۋعا شومىلۋ ماۋسىمى باستالعالى (1 ماۋسىم) ٶز كٷشتەرٸن دۇرىس باعالاماۋ, ماس كٷيٸندە شومىلۋ, تىيىم سالىنعان جەرلەرگە تٷسۋ, سۋعا باتىپ بارا جاتقان ادامدى قۇتقارۋ كەزٸندە جەنە ەرەسەكتەردٸڭ بالالاردى قاراۋسىز قالدىرۋى سالدارىنان ەلٸمٸزدٸڭ سۋ ايدىندارىندا 72 ادام, ونىڭ ٸشٸندە 27 بالا كٶز جۇمدى. سۋعا باتۋ وقيعالارىنىڭ ەڭ كٶپ سانى تٷركٸستان (14), قىزىلوردا (8), الماتى (7) جەنە شىعىس قازاقستان (7) وبلىستارىندا تٸركەلگەن.
سۋ ايدىندارىنىڭ جاعالاۋ اۋماعىن پاترۋلدەۋ جۇمىستارىن جٷرگٸزۋ كەزٸندە قۇتقارۋشىلار مەن پوليتسييا قىزمەتكەرلەرٸ 59 ادامدى, ونىڭ ٸشٸندە 8 بالانى قۇتقارىپ قالدى.
شومىلۋ ماۋسىمى كەزٸندە قايعىلى جاعدايلاردى بولدىرماۋ ٷشٸن ازاماتتىق قورعاۋ ورگاندارى پروفيلاكتيكالىق شارالار جٷرگٸزەدٸ. حالىق اراسىندا 323 مىڭنان استام بۋكلەت پەن پاراقشا تاراتىلدى. ازاماتتارمەن 2 مىڭعا جۋىق جيىن ٶتكٸزٸلدٸ. پروفيلاكتيكالىق جۇمىسقا 5600-گە جۋىق ۆولونتەر دە تارتىلعان.
سونداي-اق مەلٸم ەتٸلگەندەي, قۇتقارۋشىلار مەن پوليتسييا قىزمەتكەرلەرٸ قوعامدىق ورىنداردا تەرتٸپ بۇزۋدى انىقتاۋ جەنە سۋ ايدىندارىنداعى قاۋٸپسٸزدٸكتٸ ساقتاۋ بويىنشا بٸرلەسكەن رەيدتەر ٶتكٸزەدٸ. نەتيجەسٸندە قوعامدىق ورىنداردا بولۋ ەرەجەلەرٸن بۇزعانى ٷشٸن 1 مىڭعا جۋىق ادام, ال ورتاق سۋ پايدالانۋ ەرەجەلەرٸن بۇزعانى ٷشٸن 14 ادام ەكٸمشٸلٸك جاۋاپكەرشٸلٸككە تارتىلدى, 1 مىڭنان استام ازاماتقا ەسكەرتۋ جاسالدى.
تجم ازاماتتاردى سۋ ايدىندارىندا قاۋٸپسٸزدٸك ەرەجەلەرٸن ساقتاۋعا شاقىرادى, بٸرٸنشٸ كەزەكتە:
- الكوگولگە جەنە ەسٸرتكٸگە ماس كٷيدە سۋعا كٸرۋگە جەنە شومىلۋعا;
- قايىقتاردان, كاتەرلەردەن, ايلاقتاردان, سونداي-اق وسى ماقساتتارعا بەيٸمدەلمەگەن قۇرىلىستاردان سۋعا سەكٸرۋگە;
- تەكسەرٸلمەگەن جەنە جابدىقتالماعان جەرلەردە سٷڭگۋگە;
- جٷزۋ شەكاراسىن كٶرسەتەتٸن بەلگٸدەن اسىپ كەتۋگە;
- جٷزۋگە ارنالماعان زاتتاردا جٷزۋگە;
- بالالارعا ەرەسەك ادامداردىڭ قاراۋىنسىز شومىلۋعا تىيىم سالىنادى.
