Shomylý maýsymy bastalǵaly elimizde 72 adam, sonyń ishinde 27 bala sýǵa ketip, mert boldy. Bul týraly QR Tótenshe jaǵdailar ministrliginiń baspasóz qyzmeti habarlady.
Sýǵa shomylý maýsymy bastalǵaly (1 maýsym) óz kúshterin durys baǵalamaý, mas kúiinde shomylý, tyiym salynǵan jerlerge túsý, sýǵa batyp bara jatqan adamdy qutqarý kezinde jáne eresekterdiń balalardy qaraýsyz qaldyrýy saldarynan elimizdiń sý aidyndarynda 72 adam, onyń ishinde 27 bala kóz jumdy. Sýǵa batý oqiǵalarynyń eń kóp sany Túrkistan (14), Qyzylorda (8), Almaty (7) jáne Shyǵys Qazaqstan (7) oblystarynda tirkelgen.
Sý aidyndarynyń jaǵalaý aýmaǵyn patrýldeý jumystaryn júrgizý kezinde qutqarýshylar men politsiia qyzmetkerleri 59 adamdy, onyń ishinde 8 balany qutqaryp qaldy.
Shomylý maýsymy kezinde qaiǵyly jaǵdailardy boldyrmaý úshin azamattyq qorǵaý organdary profilaktikalyq sharalar júrgizedi. Halyq arasynda 323 myńnan astam býklet pen paraqsha taratyldy. Azamattarmen 2 myńǵa jýyq jiyn ótkizildi. Profilaktikalyq jumysqa 5600-ge jýyq volonter de tartylǵan.
Sondai-aq málim etilgendei, qutqarýshylar men politsiia qyzmetkerleri qoǵamdyq oryndarda tártip buzýdy anyqtaý jáne sý aidyndaryndaǵy qaýipsizdikti saqtaý boiynsha birlesken reidter ótkizedi. Nátijesinde qoǵamdyq oryndarda bolý erejelerin buzǵany úshin 1 myńǵa jýyq adam, al ortaq sý paidalaný erejelerin buzǵany úshin 14 adam ákimshilik jaýapkershilikke tartyldy, 1 myńnan astam azamatqa eskertý jasaldy.
TJM azamattardy sý aidyndarynda qaýipsizdik erejelerin saqtaýǵa shaqyrady, birinshi kezekte:
- alkogolge jáne esirtkige mas kúide sýǵa kirýge jáne shomylýǵa;
- qaiyqtardan, katerlerden, ailaqtardan, sondai-aq osy maqsattarǵa beiimdelmegen qurylystardan sýǵa sekirýge;
- tekserilmegen jáne jabdyqtalmaǵan jerlerde súńgýge;
- júzý shekarasyn kórsetetin belgiden asyp ketýge;
- júzýge arnalmaǵan zattarda júzýge;
- balalarǵa eresek adamdardyń qaraýynsyz shomylýǵa tyiym salynady.
