1 قىركٷيەكتەن باستاپ بٸلٸم بەرۋ مەكەمەلەرٸنٸڭ جانىندا قاۋٸپسٸزدٸكتٸ قاداعالايتىن پوليتسييا جاساقتارىنىڭ تىعىزدى ارتادى, دەپ حابارلايدى قازاقپارات.
بۇل تۋرالى ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى جاندوس مۇراتەليەۆ مينيسترلٸكتٸڭ اقپارات الاڭىندا ٶتكەن ونلاين بريفينگٸدە ايتتى.
«بيىل 1-شٸ قىركٷيەكتەن باستاپ بٸلٸم بەرۋ مەكەمەلەرٸنٸڭ ماڭىندا پوليتسييا جاساقتارىنىڭ تىعىزدىعى ارتادى. بٸلٸم بەرۋ مەكەمەلەرٸنٸڭ جانىنداعى جول جەلٸسٸ تەك ٸس-شارا كەزٸندە عانا ەمەس, تۇراقتى تٷردە تەكسەرٸلەتٸنٸن ايتا كەتۋ كەرەك. سونداي-اق, بالالار مەن جاسٶسپٸرٸمدەردٸ تاسىمالداۋعا ارنالعان كٶلٸك قۇرالدارىنا كٶپ كٶڭٸل بٶلٸنەدٸ. بيىل بٸزدٸڭ قىزمەتكەرلەر وقۋ ورىندارىنا تيەسٸلٸ 2 مىڭعا جۋىق كٶلٸكتٸ تەكسەردٸ. انىقتالعان كەمشٸلٸكتەردٸ جويۋ ٷشٸن تيٸستٸ مەكەمەلەرگە 100-دەن استام ۇيعارىم جولدانعان», - دەيدٸ ٸٸم ٶكٸلٸ.
ونىڭ ايتۋىنا قاراعاندا, بالالاردى جول-كٶلٸك جاراقاتتارىنان قورعاۋ مەسەلەسٸندە وقۋ پروتسەسٸ دە ماڭىزدى قىزمەت اتقارادى.
«بٸلٸم جەنە عىلىم مينيسترلٸگٸنٸڭ ۇيىمداستىرۋىمەن بٸلٸم بەرۋ ۇيىمدارىندا جٷيەلٸ تٷردە, وقۋ جوسپارى اياسىندا جولدا جٷرۋ قاعيدالارى بويىنشا وقىتۋ قاراستىرىلعان. ٶز كەزەگٸندە پوليتسييا قىزمەتكەرلەرٸ مەكتەپ وقۋشىلارىنا جول جٷرٸسٸ قاعيدالارىن ٷيرەتۋ بويىنشا ونلاين فورماتتا مىڭنان استام كونكۋرستار مەن ۆيكتورينالار ٶتكٸزدٸ. 1-شٸ قىركٷيەكتەن باستاپ بۇل باعىتتاعى جۇمىس دەستٷرلٸ فورماتتا جالعاسىن تابادى دەپ سەنەمٸز», - دەدٸ جاندوس مۇراتەليەۆ.
