1 qyrkúiekten bastap bilim berý mekemeleriniń janynda qaýipsizdikti qadaǵalaityn politsiia jasaqtarynyń tyǵyzdy artady, dep habarlaidy QazAqparat.
Bul týraly IIM Ákimshilik politsiia komiteti tóraǵasynyń orynbasary Jandos Muratáliev ministrliktiń aqparat alańynda ótken onlain brifingide aitty.
«Biyl 1-shi qyrkúiekten bastap bilim berý mekemeleriniń mańynda politsiia jasaqtarynyń tyǵyzdyǵy artady. Bilim berý mekemeleriniń janyndaǵy jol jelisi tek is-shara kezinde ǵana emes, turaqty túrde tekseriletinin aita ketý kerek. Sondai-aq, balalar men jasóspirimderdi tasymaldaýǵa arnalǵan kólik quraldaryna kóp kóńil bólinedi. Biyl bizdiń qyzmetkerler oqý oryndaryna tiesili 2 myńǵa jýyq kólikti tekserdi. Anyqtalǵan kemshilikterdi joiý úshin tiisti mekemelerge 100-den astam uiǵarym joldanǵan», - deidi IIM ókili.
Onyń aitýyna qaraǵanda, balalardy jol-kólik jaraqattarynan qorǵaý máselesinde oqý protsesi de mańyzdy qyzmet atqarady.
«Bilim jáne ǵylym ministrliginiń uiymdastyrýymen bilim berý uiymdarynda júieli túrde, oqý jospary aiasynda jolda júrý qaǵidalary boiynsha oqytý qarastyrylǵan. Óz kezeginde politsiia qyzmetkerleri mektep oqýshylaryna jol júrisi qaǵidalaryn úiretý boiynsha onlain formatta myńnan astam konkýrstar men viktorinalar ótkizdi. 1-shi qyrkúiekten bastap bul baǵyttaǵy jumys dástúrli formatta jalǵasyn tabady dep senemiz», - dedi Jandos Muratáliev.
