فوتو: قر وام
الماتىدا وقۋ ورىندارىنىڭ تاپشىلىعىن ازايتۋ جەنە بٸلٸم بەرۋ نىساندارىن جاڭارتۋ ماقساتىندا «كەلەشەك مەكتەپتەرٸ» جەنە «1300 مەكتەپتٸ جاڭعىرتۋ» جوبالارى قارقىندى جٷزەگە اسىرىلىپ جاتىر, دەپ حابارلايدى Ult.kz.
جاڭا وقۋ جىلى قارساڭىندا بيىل سالىنعان 7 مەكتەپ وقۋشىلارعا ەسٸگٸن ايقارا اشادى.
«كەلەشەك مەكتەپتەرٸ» جوباسى اياسىندا 34 800 ورىنعا شاقتالعان 21 مەكتەپتٸڭ قۇرىلىسى جٷرٸپ جاتىر. ونىڭ ٸشٸندە 13 مەكتەپ «Samruk-Kazyna Construction» كومپانيياسىنىڭ قاتىسۋىمەن بوي كٶتەرۋدە.
سونىمەن قاتار «ساتىپ الۋ» تەتٸگٸ ارقىلى جەكە ينۆەستورلاردىڭ قاتىسۋىمەن 8 مەكتەپ سالىنىپ جاتىر. ولاردىڭ ەكەۋٸ قىركٷيەكتە وقۋشىلاردى قابىلدايدى.
«1300 مەكتەپتٸ جاڭعىرتۋ» باعدارلاماسى بويىنشا 31 بٸلٸم بەرۋ مەكەمەسٸن كەزەڭ-كەزەڭٸمەن جاڭارتۋ جوسپارلانعان. 2025 جىلى – 15, 2026 جىلى – 9, 2027 جىلى – 7 مەكتەپ جاڭارتىلادى.
قالادا 13 مەكتەپ پەن 8 قوسالقى عيمارات سەيسميكالىق تۇرعىدا نىعايتىلىپ, قايتا جٶندەلٸپ جاتىر. بۇل جۇمىستاردىڭ نەتيجەسٸندە 3 مىڭنان استام قوسىمشا ورىن اشىلادى.
وسىلايشا, جاڭا مەكتەپتەردٸڭ اشىلۋى مەن قولدانىستاعى وقۋ ورىندارىنىڭ جاڭارتىلۋى الماتىداعى مىڭداعان وقۋشىعا قولايلى بٸلٸم الۋ جاعدايىن قامتاماسىز ەتەدٸ.
