Foto: QR OAM
Almatyda oqý oryndarynyń tapshylyǵyn azaitý jáne bilim berý nysandaryn jańartý maqsatynda «Keleshek mektepteri» jáne «1300 mektepti jańǵyrtý» jobalary qarqyndy júzege asyrylyp jatyr, dep habarlaidy Ult.kz.
Jańa oqý jyly qarsańynda biyl salynǵan 7 mektep oqýshylarǵa esigin aiqara ashady.
«Keleshek mektepteri» jobasy aiasynda 34 800 orynǵa shaqtalǵan 21 mekteptiń qurylysy júrip jatyr. Onyń ishinde 13 mektep «Samruk-Kazyna Construction» kompaniiasynyń qatysýymen boi kóterýde.
Sonymen qatar «satyp alý» tetigi arqyly jeke investorlardyń qatysýymen 8 mektep salynyp jatyr. Olardyń ekeýi qyrkúiekte oqýshylardy qabyldaidy.
«1300 mektepti jańǵyrtý» baǵdarlamasy boiynsha 31 bilim berý mekemesin kezeń-kezeńimen jańartý josparlanǵan. 2025 jyly – 15, 2026 jyly – 9, 2027 jyly – 7 mektep jańartylady.
Qalada 13 mektep pen 8 qosalqy ǵimarat seismikalyq turǵyda nyǵaitylyp, qaita jóndelip jatyr. Bul jumystardyń nátijesinde 3 myńnan astam qosymsha oryn ashylady.
Osylaisha, jańa mektepterdiń ashylýy men qoldanystaǵy oqý oryndarynyń jańartylýy Almatydaǵy myńdaǵan oqýshyǵa qolaily bilim alý jaǵdaiyn qamtamasyz etedi.
