فوتو: سولتان جەكسەنبەكوۆ / Kazinform
عاني بەيسەمباەۆ Instagram-داعى پاراقشاسىندا بٸلٸم كٷنٸمەن قۇتتىقتاۋىن جەتكٸزٸپ, جاڭا وقۋ جىلىن بٸز ٷلكەن جوسپارلارمەن, ٷكٸلٸ ٷمٸتپەن باستاپ وتىرعانىن ايتتى.
— قۇرمەتتٸ ەرٸپتەستەر! قادٸرلٸ ۇستازدار, اتا-انالار مەن وقۋشىلار! بٷگٸن قازاقستاننىڭ تٷكپٸر-تٷكپٸرٸندەگٸ بٸلٸم وردالارى ٶز ەسٸگٸن ايقارا اشادى. جاڭا وقۋ جىلىن بٸز ٷلكەن جوسپارلارمەن, ٷكٸلٸ ٷمٸتپەن باستاپ وتىرمىز. سٸزدەردٸڭ ەرقايسىڭىز ەلٸمٸزدٸڭ بولاشاعى ٷشٸن ٶلشەۋسٸز ٷلەس قوسىپ كەلەسٸزدەر. بيىلعى وقۋ جىلى وقۋشىلارىمىز بەن ۇستازدارىمىزدى جاڭا بيٸكتەردٸ باعىندىرۋعا شابىتتاندىراتىن جەتٸستٸكتەر مەن جەڭٸستەرگە تولى بولسىن دەپ تٸلەيمٸن! بٸلٸم كٷنٸ قۇتتى بولسىن! — دەپ جازدى بەيسەمباەۆ.
بٷگٸن — بٸلٸم كٷنٸ. بٷگٸن 360 مىڭ بالا مەكتەپ تابالدىرىعىنان العاش رەت اتتايدى. وقۋ-اعارتۋ مينيسترٸ عاني بەيسەمباەۆ 6 تامىزدا ٶتكەن ٷكٸمەت وتىرىسىندا وسىنداي مەلٸمەت كەلتٸردٸ.
مينيستردٸڭ ايتۋىنشا, 2025-2026 وقۋ جىلىندا ەلدە 7859 مەكتەپ بالالارعا بٸلٸم بەرمەك. عاني بەيسەمباەۆ ونىڭ ٸشٸندە 6387 مەكتەپتٸڭ جاعدايى جاقسى ەكەنٸن ايتقان ەدٸ.
مينيسترلٸك بەرگەن كەيٸنگٸ مەلٸمەت بويىنشا 1 قىركٷيەكتەن باستاپ ەلدەگٸ 8 مىڭنان استام مەكتەپتە 4,1 ملن بالا بٸلٸم الادى. ونىڭ 360 مىڭنان استامى بٸرٸنشٸ سىنىپ وقۋشىلارى, 232 مىڭى 11-سىنىپ تٷلەكتەرٸ .
ال ەكٸمدٸكتەر رەسپۋبليكا بويىنشا 1,7 ملن بالانىڭ مەكتەپتە ىستىق تاماقتى تەگٸن ٸشۋٸنە قاجەتتٸ قاراجاتتى دەر كەزٸندە بٶلگەن. بۇل بىلتىرعىدان 100 مىڭ بالاعا كٶپ.
عاني بەيسەمباەۆ بۇل وقۋ جىلىندا 510 مىڭ بالانىڭ مەكتەپكە دايىندىعىنا ەكٸمدٸك ەسەبٸنەن قولداۋ بولاتىنىن ايتقان.
ال مينيسترلٸكتٸڭ 29 تامىزداعى مەلٸمەتٸ بويىنشا, «جالپىعا بٸردەي بٸلٸم بەرۋ قورى» اتا-انالار مەن زاڭدى ٶكٸلدەردٸڭ ەسەپشوتتارىنا مەكتەپ فورماسىن, اياق كيٸم مەن وقۋ-قۇرالدارىن ساتىپ الۋعا 25,3 ملرد تەڭگە اۋدارىلعان. بۇل ەكٸمدٸكتەردٸڭ تٸزٸمٸندەگٸ 500 مىڭنان استام وقۋشىعا كٶمەك كٶرسەتٸلدٸ دەگەن سٶز. بيىل بٸر بالاعا بەرٸلەتٸن ەڭ تٶمەنگٸ تٶلەم مٶلشەرٸ 46 228 تەڭگە بولىپ وتىر. ال جەرگٸلٸكتٸ مەسليحاتتاردىڭ شەشٸمٸمەن الماتى قالاسىندا بۇل سوما 55 مىڭ تەڭگە, جامبىل وبلىسىندا 53 117 تەڭگە, پاۆلودار وبلىسىندا — 53 663 تەڭگە بولىپ بەلگٸلەنگەن.
جاڭا وقۋ جىلىندا ەل مەكتەپتەرٸندە ەرەكشە بٸلٸم بەرۋ قاجەتتٸلٸگٸ بار بالالارعا ارنالعان 1093 قولداۋ كابينەتٸ جۇمىس ٸستەيدٸ. بۇل كابينەتتەردە پسيحولوگتار, ارنايى جەنە ەلەۋمەتتٸك پەداگوگتەر, پەداگوگ-اسسيستەنتتەر ەرەكشە بالالارعا قولايلى جاعداي جاساپ, ولاردى مەكتەپ ورتاسىنا بەيٸمدەۋگە كٶمەكتەسەدٸ.
جاڭا وقۋ جىلى باستالعانعا دەيٸن 163 بٸلٸم بەرۋ ۇيىمىندا جٶندەۋ جۇمىستارى اياقتالىپ, 138 مىڭنان استام وقۋشى جاڭارتىلعان جەنە تولىقتاي قايتا جابدىقتالعان مەكتەپتەردە بٸلٸم الادى دەپ جوسپارلانعان بولاتىن.
رەنوۆاتسييا باعدارلاماسى بويىنشا 127 مەكتەپ جاڭارتىلدى. وندا 99 مىڭعا جۋىق بالا بٸلٸم الادى. سونىمەن قاتار 1 مىڭعا جۋىق اۋىل مەكتەبٸندە روبوتوتەحنيكا, حيمييا, بيولوگييا, فيزيكا جەنە STEM پەندەرٸ بويىنشا 1108 زاماناۋي كابينەت ورناتىلدى.
2025 جىلى بالالاردى قوسىمشا بٸلٸم بەرۋمەن قامتۋ 3,2 ملن بالادان 3,4 ملن-عا دەيٸن ۇلعايدى. ولاردىڭ 62%-ى تەگٸن ٷيٸرمەلەر مەن سەكتسييالارعا قاتىسادى. قازٸر رەسپۋبليكا بويىنشا 380 تٷرلٸ باعىتتاعى ٷيٸرمە بويىنشا قىزمەت كٶرسەتەتٸن 2142 مەكتەپتەن تىس ۇيىم جۇمىس ٸستەيدٸ.
بيىل ەلدٸڭ 12 ٶڭٸرٸندە 22 وقۋشىلار سارايى سالىنىپ جاتىر. ەزٸرگە سولتٷستٸك قازاقستان, پاۆلودار وبلىستارى مەن الماتى, شىمكەنت قالالارىندا نىساندار قولدانىسقا بەرٸلدٸ.
بٷكٸل ەل اۋماعىندا 267 مىڭ بالاعا ارنالعان 232 مەكتەپ سالىنىپ جاتىر. ونىڭ 83 مەكتەبٸ وقۋ جىلىنىڭ باسىندا, 111 مەكتەبٸ وقۋ جىلىنىڭ اياعىنا دەيٸن سالىنىپ بٸتۋ كەرەك.
«كەلەشەك مەكتەپتەرٸ» ۇلتتىق جوباسى اياسىندا 460 مىڭ ورىنعا ارنالعان 217 جاڭا فورماتتاعى مەكتەپ سالىنىپ جاتىر. قازٸر سونىڭ 130-ى اشىلدى, ولاردىڭ 44%-ى اۋىلدا سالىنعان.
