ٷكٸمەتتٸڭ باسپاسٶز ورتالىعىندا ٶتكەن باسپاسٶز كونفەرەنتسيياسىندا تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ ۆيتسە-مينيسترٸ ابىلايحان وسپانوۆ مەكەنجاي انىقتاماسىن الىپ تاستاۋعا قاتىستى تٷسٸنٸك بەردٸ, دەپ حابارلايدى "ۇلت اقپارات".
ا. وسپانوۆ اتاپ ٶتكەندەي, قازاقستاندا 1 قاراشادان باستاپ مەكەنجاي انىقتاماسى تالاپ ەتٸلمەيدٸ جەنە مەملەكەتتٸك كٶرسەتٸلەتٸن قىزمەتتەر تٸزٸلٸمٸنەن الىنىپ تاستالاتىن بولادى. ياعني, ەش مەملەكەتتٸك ورگان, مەكتەپ نە مەديتسينالىق مەكەمە ازاماتتاردان مەكەنجاي انىقتاماسىن 1 قاراشادان باستاپ سۇراتا المايدى. ونى «ازاماتتارعا ارنالعان ٷكٸمەتتٸڭ» فيليالدارىنان دا, ەلەكتروندى ٷكٸمەت پورتالىنان دا الۋ مٷمكٸندٸگٸ بولمايدى.
«قاجەت بولعان جاعدايدا قازاقستاندىقتار تٸركەۋگە تۇرعان مەكەنجايلارىن egov.kz ەلەكتروندى ٷكٸمەت پورتالى مەن eGov mobile قوسىمشاسىنداعى جەكە كابينەتٸ ارقىلى تەكسەرە الادى», — دەدٸ ا. وسپانوۆ.
مەملەكەتتٸك ورگاندارعا كەلەتٸن بولساق, ولار بۇل مەلٸمەتتٸ ٸشكٸ ٸستەر مينيسترلٸگٸنٸڭ دەرەكتەر بازاسىمەن ينتەگراتسييالانعان اقپاراتتىق جٷيەلەرٸ ارقىلى الاتىن بولادى.
سونىمەن قاتار ا. وسپانوۆ جۇمىس بەرۋشٸلەردٸڭ مەكەنجاي انىقتاماسىن سۇراۋعا قۇقىلارى جوق ەكەنٸن ايتتى. بٸرٸنشٸ كەزەكتە, ەڭبەك كودەكسٸندە تۇرعىلىقتى مەكەنجايىن راستايتىن قۇجاتتى ۇسىنۋ قاجەتتٸگٸ تۋرالى تالاپ جوق.
«ەگەر بٸز بٷگٸن مەملەكەتتٸك دەڭگەيدە مەكەنجاي انىقتاماسى ۇعىمىن الىپ تاستايتىن بولساق, وندا ازاماتتان بۇل قۇجاتتى ەڭبەككە ورنالاسۋ كەزٸندە تالاپ ەتۋگە ەشكٸمنٸڭ قۇقىعى جوق. سوندىقتان بٸز بارلىق جۇمىس بەرۋشٸلەر جۇمىسقا ەڭبەككە ورنالاسۋعا قاتىستى ٶزدەرٸنٸڭ تالاپتارىن سەيكەستەندٸرۋٸ كەرەك دەپ وتىرمىز», — دەدٸ ۆيتسە-مينيستر.
جۇمىس بەرۋشٸلەردەن باسقا, مەكەنجاي انىقتاماسىن ەلٸمٸزدەگٸ بارلىق مەكەمەلەر ەندٸ سۇراماۋى تيٸس.
«بٸز بٷگٸن ەلٸمٸزدە تۇرعىلىقتى ورنى مەن مەكەنجايى تۋرالى ۇعىمدى تٷبەگەيلٸ ٶزگەرتٸپ وتىرمىز. بۇرىن بٸز ەر ادىم سايىن, بارلىق جەردە - ەڭبەككە ورنالاسقاندا, جۇمىسقا قابىلداعاندا, مەديتسينالىق ۇيىمدا, بالاباقشالاردا, پيك قىزمەتتەرٸنە كەلٸسٸمشارتتار جاساسۋ ٷشٸن ت.ب. ونى راستاۋىمىز كەرەك بولاتىن. بارلىق جەردە بٸز بۇل انىقتامانى بارىپ الىپ, ونى سۇراعان مەكەمەگە ۇسىنۋىمىز كەرەك بولاتىن. بٸزدە وسى مەلٸمەتتەردٸڭ قاجەتتٸگٸنەن باس تارتۋعا نەگٸز بولعان جوق. ال بٷگٸن بارلىق تۇرعىندارعا وسىنداي مٷمكٸندٸكتٸ ۇسىنىپ وتىرمىز. قازٸر قازاقستان ازاماتى ٶزٸنٸڭ قانداي دا بٸر مەكەنجاي بويىنشا تۇرىپ جاتقانىن ەشكٸمگە دەلەلدەۋگە مٸندەتتٸ ەمەس», — دەدٸ ا. وسپانوۆ.
مەديتسينالىق جەنە بٸلٸم بەرۋ مەكەمەلەرٸنە كەلسەك, بۇل ۇيىمداردا ينتەگراتسييالانعان اقپاراتتىق جٷيەلەر بار. مىسالى, بارلىق مەديتسينالىق مەكەمەلەردە بٷگٸندە بٸرىڭعاي دەنساۋلىق ساقتاۋ اقپاراتتىڭ جٷيەسٸمەن كٸرٸكتٸرٸلگەن اقپاراتتىق جٷيەلەر جۇمىس ٸستەيدٸ. دەرٸگەردٸڭ قابىلداۋىندا بولۋ ٷشٸن ەڭ الدىمەن تۇرعىلىقتى جەرٸ بويىنشا تٸركەلۋٸ كەرەك. ەگەر بۇرىن وسى كەزەڭدە مەكەنجاي انىقتاماسىنىڭ بولۋى مٸندەتتٸ بولسا, قازٸر ول تالاپ ەتٸلمەيدٸ.
«بٸلٸم بەرۋ مەكەمەلەرٸندە دە سولاي. مەديتسينالىق جەنە بٸلٸم بەرۋ مەكەمەلەرٸمەن جۇمىستاردى بٸز ٶتكەن جىلى باستادىق. ٶتكەن جىلدىڭ جازىندا اتا-انالاردان مەكەنجاي انىقتاماسىن ۇسىنۋدى تالاپ ەتۋگە تىيىم سالىنعان ەدٸ. ەكٸمدٸكتەر دەڭگەيٸندە تٷسٸندٸرۋ جۇمىستارى جٷرگٸزٸلدٸ», — دەدٸ ۆيتسە-مينيستر.
سونىمەن قاتار ول بٷگٸنگٸ تاڭدا ەلەكتروندى فورماتتا 28 انىقتاما بەرٸلەتٸنٸن ايتتى. جىل سايىن تٷرلٸ ۇيىمدارعا ۇسىنۋ ٷشٸن 20 ملن-نان اسا انىقتاما باسىپ شىعارىلادى ەكەن. كەلەسٸ جىلدان باستاپ مەكەنجاي انىقتاماسى تەرٸزدٸ, باسقا دا انىقتامالاردى بٸرتٸندەپ الىپ تاستاۋ كٶزدەلٸپ وتىر. ول ٷشٸن اقپاراتتىق جٷيەلەردٸ كٸرٸكتٸرۋ جۇمىستارىن اياقتاۋ قاجەت.
