بٸر پايىز بولسا دا شەتەلدٸك ٷلەسٸ بار قازاقستاندىق زاڭدى تۇلعالارعا جەر بەرٸلمەيدٸ. بۇل تۋرالى بٷگٸن اۋىل شارۋاشىلىعى ۆيتسە-مينيسترٸ ەرلان نىسانباەۆ ايتتى, دەپ حابارلايدى Sputnik قازاقستان تٸلشٸسٸ.
بٷگٸن استانادا 2016 جىلى قۇرىلعان جەر كوميسسيياسىنىڭ شەشٸمدەرٸ بويىنشا ەزٸرلەنگەن جەر زاڭى جايلى قوعامدىق تالقىلاۋ ٶتٸپ جاتىر. جيىندا سٶز العان اۋىل شارۋاشىلىعى ۆيتسە-مينيسترٸ نىسانباەۆ زاڭ جوباسىنا ەنگٸزٸلگەن ٶزگەرٸستەر مەن تولىقتىرۋلارعا توقتالدى.
"2016 جىلدىڭ مامىرىندا ەلباسىنىڭ جارلىعىمەن جەنە تيٸستٸ زاڭىمەن جەر كودەكسٸنٸڭ جەكەلەگەن نورمالارىنا 2021 جىلدىڭ 31 جەلتوقسانىنا دەيٸن موراتوريي ەنگٸزٸلدٸ. اتاپ ايتقاندا, اۋىل شارۋاشىلىعى ماقساتىنداعى جەرلەردٸ قازاقستاندىقتارعا جەكەمەنشٸككە, شەتەلدٸكتەرگە جالعا بەرۋگە مٷلدە تىيىم سالىندى. قازٸرگٸ ۋاقىتتا مەجٸلٸستە قارالىپ جاتقان زاڭ جوباسىندا اۋىل شارۋاشىلىعى ماقساتىنداعى جەرلەردٸ ساتۋ جەنە شەتەلدٸكتەرگە جالعا بەرۋ تۋرالى بٸردە-بٸر نورما جوق ەكەنٸن ەرەكشە اتاپ ايتقىم كەلەدٸ. كەرٸسٸنشە بۇل زاڭ جوباسىمەن اۋىل شارۋاشىلىعى جەرلەرٸن بەرۋگە ەنگٸزٸلگەن موراتورييدٸڭ شەڭبەرٸن كەڭەيتۋ قاراستىرىلىپ وتىر. وندا بٸر پايىز بولسا دا شەتەلدٸك ٷلەسٸ بار قازاقستاندىق زاڭدى تۇلعالارعا جەر بەرٸلمەيتٸن بولادى. مەسەلە ٶتە كٷردەلٸ, ونى ەگجەي-تەگجەي پىسىقتاپ, 2021 جىلدىڭ سوڭىنا دەيٸن حالىقپەن بٸرگە تالقىلاپ, تٷپكٸلٸكتٸ شەشٸم قابىلدانادى. بۇل مەسەلە پرەزيدەنتتٸڭ, ٷكٸمەتتٸڭ, ورتالىق ٶكٸلەتتٸ ورگانداردىڭ باقىلاۋىندا", — دەدٸ نىسانباەۆ.
ۆيتسە-مينيستر جەر رەفورماسى بويىنشا قۇرىلعان كوميسسييانىڭ جەرگٸلٸكتٸ تۇرعىنداردىڭ ۇسىنىستارىن ەسكەرە وتىرىپ, قابىلداعان شەشٸمدەرٸنە توقتالدى.
"بٸرٸنشٸ, اۋىل شارۋاشىلىعى جەرلەرٸن قازاقستاندىقتارعا جالعا بەرۋ نورماسىن ساقتاۋ جەنە ونى جەتٸلدٸرۋ. ەكٸنشٸ, قازاقستاندىقتارعا اۋىل شارۋاشىلىعى جەرلەرٸنٸڭ جالعا بەرٸلەتٸن مٶلشەرٸن شەكتەۋ. ٷشٸنشٸ, شەكارا ايماقتارىنداعى اۋىل شارۋاشىلىعى جەرلەرٸن پايدالانۋ تالاپتارىن كٷشەيتۋ. تٶرتٸنشٸ, تۇرعىنداردىڭ جايىلىم القاپتارعا دەگەن قاجەتتٸلٸگٸن قامتاماسىز ەتۋ. اتالعان ۇسىنىستار نەگٸزٸندە جەر كودەكسٸنە ٶزگەرٸستەر مەن تٷزەتۋلەر ەنگٸزۋ بويىنشا زاڭ جوباسى دايىندالىپ, پارلامەنت مەجٸلٸسٸنٸڭ قاراۋىنا ەنگٸزٸلدٸ", — دەدٸ مينيستر ورىنباسارى.
