Сирияда Хмеймим аэродромында ресейлік Су-30СМ әуеге көтерілген бетте құлады, - деп хабарлайды РИА Новости. Екі ұшқыш та қаза тапты.
"Мәскеу уақытымен шамамен 09:45-те Хмеймим аэродромынан ұшып шыққан Су-30СМ жойғыш ұшағы Жерорта теңізінің акваториясында апатқа ұшырады. Ұшақты аман алып қалуға соңына дейін күрескен екі ұшқыш та оқиға орнында қаза тапты", - делінген Ресей Қорғаныс министрлігінің хабарламасында.
Су-30СМ жойғыш ұшағының апатқа ұшырауына қозғалтқышқа құстың тиюі себеп болуы мүмкін, өйткені ұшаққа оқ атылмаған.
"Алдын ала болжам бойынша, апатқа ұшырауына қозғалтқышқа құс кіріп кеткендігі себеп болуы мүмкін. Ұшаққа ешқандай қарудан оқ атылмаған", - делінген РФ Қорғаныс министрлігінің хабарламасында.
2032 рет оқылды
