Қайрат Сұнтаев Сыбайлас жемқорлыққа қарсы іс-қимыл ұлттық бюросының басшысы қызметіне тағайындалды, деп хабарлады Ақорданың баспасөз қызметі.
"Қайрат Иматұлы Сұнтаев Қазақстан Республикасының Мемлекеттік қызмет істері және Сыбайлас жемқорлыққа қарсы іс-қимыл агенттігінің сыбайлас жемқорлыққа қарсы іс-қимыл ұлттық бюросының басшысы қызметіне тағайындалды", — деп жазылған хабарламада.
Бұған дейін бұл лауазымды атқарған Талғат Татубаев қызметінен босатылды.
Сондай-ақ Олжас Бектенов Қазақстан Республикасының Мемлекеттік қызмет істері және Сыбайлас жемқорлыққа қарсы іс-қимыл агенттігі төрағасының орынбасары қызметіне тағайындалды.
Сонымен қатар, ҚР Президенті Нұрсұлтан Назарбаевтың Өкімімен басқа жұмысқа ауысуына байланысты Бибігүл Нұрғалиқызы Нүсіпжанова Т.Қ.Жүргенов атындағы Қазақ ұлттық өнер академиясының ректоры қызметінен босатылды.
3814 рет оқылды
