Ақмола облысының Степногорск қаласында әскери борышын жедел өтеп жатқан сарбаз қарауыл бекетінде атылып қалды, деп хабарлайды "Ұлт ақпарат".
ҚР Ұлттық ұлан гвардиясы «Орталық» өңірлік қолбасшылығының дерегі бойынша, тамыздың 18-і күні таңғы сағат 7:25 қатардағы жауынгер Роман Данияев түзету мекемесін күзету кезінде өзіне бекітілген қарудан басынан атылып қалды. Ол сол жерде жан тәсілім етті. 21 жастағы жедел әскери қызметкер Қарағанды облысынан әскер қатарына шақыртылған.
«Қызметті терргеу тағайындалып, оның мұндай қадамға бару себебі анықталуда. «Орталық» өңірлік қолбасшылығы және 3517 әскери бөлім қатардағы жауынгер Роман Данияевтың туыстарына көңіл айтады», деп түсіндірді ҚР Ұлттық ұлан гвардиясы «Орталық» өңірлік қолбасшылығының баспасөз қызметінің жетекшісі Қанат Дос.
Оның айтуына қарағанда, қаза болған жауынгердің ата-анасына бірден хабар беріліп, денесі туған жеріне жеткізілді. Кеше оны ақтық сапарға шығарып салды.
2970 рет оқылды
