Aqtaýda mas kúiinde kólik júrgizgen áiel qamaýǵa alynbaý úshin sotqa jalǵan júktilik týraly anyqtama usynǵan, dep habarlaidy ult.kz.
Mańǵystaý oblysynyń prokýratýrasynyń málimetinshe, politsiia áieldi kólikti alkogoldik masań kúide basqarǵany úshin ustaǵan. Mundai quqyq buzýshylyq úshin 15 táýlikke ákimshilik qamaqqa alý jáne jeti jylǵa kólik júrgizý quqyǵynan aiyrý jazasy qarastyrylǵan.
Sotta áiel júktiligi týraly dáriger anyqtamasyn kórsetken. Sonyń negizinde sot ony qamaýdan bosatyp, jeti jylǵa kólik júrgizý quqyǵynan aiyrǵan.
Alaida prokýratýra tekserý kezinde meditsinalyq qujattyń jalǵan ekenin anyqtady. Prokýrordyń ótinishhaty boiynsha oblystyq sot alǵashqy sheshimdi ózgertip, áieldi 15 táýlikke ákimshilik qamaqqa alý týraly qaýly shyǵardy.
Jalǵan meditsinalyq qujatty jasaý jáne paidalaný faktisi boiynsha meditsina qyzmetkeri men áielge qatysty Qylmystyq kodekstiń 385-babymen qylmystyq is qozǵaldy.
