اقتاۋدا ماس كٷيٸندە كٶلٸك جٷرگٸزگەن ەيەل قاماۋعا الىنباۋ ٷشٸن سوتقا جالعان جٷكتٸلٸك تۋرالى انىقتاما ۇسىنعان, دەپ حابارلايدى ult.kz.
ماڭعىستاۋ وبلىسىنىڭ پروكۋراتۋراسىنىڭ مەلٸمەتٸنشە, پوليتسييا ەيەلدٸ كٶلٸكتٸ الكوگولدٸك ماساڭ كٷيدە باسقارعانى ٷشٸن ۇستاعان. مۇنداي قۇقىق بۇزۋشىلىق ٷشٸن 15 تەۋلٸككە ەكٸمشٸلٸك قاماققا الۋ جەنە جەتٸ جىلعا كٶلٸك جٷرگٸزۋ قۇقىعىنان ايىرۋ جازاسى قاراستىرىلعان.
سوتتا ەيەل جٷكتٸلٸگٸ تۋرالى دەرٸگەر انىقتاماسىن كٶرسەتكەن. سونىڭ نەگٸزٸندە سوت ونى قاماۋدان بوساتىپ, جەتٸ جىلعا كٶلٸك جٷرگٸزۋ قۇقىعىنان ايىرعان.
الايدا پروكۋراتۋرا تەكسەرۋ كەزٸندە مەديتسينالىق قۇجاتتىڭ جالعان ەكەنٸن انىقتادى. پروكۋروردىڭ ٶتٸنٸشحاتى بويىنشا وبلىستىق سوت العاشقى شەشٸمدٸ ٶزگەرتٸپ, ەيەلدٸ 15 تەۋلٸككە ەكٸمشٸلٸك قاماققا الۋ تۋرالى قاۋلى شىعاردى.
جالعان مەديتسينالىق قۇجاتتى جاساۋ جەنە پايدالانۋ فاكتٸسٸ بويىنشا مەديتسينا قىزمەتكەرٸ مەن ەيەلگە قاتىستى قىلمىستىق كودەكستٸڭ 385-بابىمەن قىلمىستىق ٸس قوزعالدى.
