© Photo: Olympic.kz
Zýhra Irnazarova Qytaidyń Hanchjoý qalasynda ótip jatqan HIH jazǵy Aziia oiyndarynda altyn medal jeńip aldy, dep habarlaidy "Ult aqparat".
18 jastaǵy otandasymyz 10 metr qashyqtyqtan jyljymaly nysanaǵa oq atý saiysynda 560 upai jinap, Soltústik Koreiadan kelgen mergenderden basym tústi.
Bul baǵdarlamada kúmis pen qola Djie Ri men Oksim Pektiń enshisinde ketti.
Sondai-aq ulttyq quramanyń qos sportshysy - Fatima Irnazarova 6-shy, Aleksandra Sadýaqasova 7-satyǵa turaqtady.
Aita keteiik, Qazaqstan áielder quramasy (Zýhra Irnazarova, Fatima Irnazarova, Aleksandra Sadýaqasova) komandalyq synda kúmis júldege (1642 upai) qol jetkizdi. Altyn medaldi Soltústik Koreia (1655 upai) quramasy ielendi. Al úshtikti Indoneziia quramasy (1604 upai) túiindedi.
Aita keteiik, keshe Ásem Orynbai, Zoia Kravchenko jáne Olga Panarinadan jasaqtalǵan stend atýdan Qazaqstannyń áielder komandasy "skit" jattyǵýynda altyn medalǵa ie bop, Aziia oiyndarynyń rekordyn jańartqan edi (350 upai).
Qazir enshimizde 2 altyn, 3 kúmis pen 11 qola bar.
Eske salaiyq, Zýhra Irnazarova men Aleksandra Sadýaqasova biyl tamyzda Ázerbaijan astanasynda ótken nysana kózdeýden álem chempionatynda osy baǵdarlamada altynnan alqa taqqan.
