Foto: Kaz.inform.kz
Germaniiada iz-tússiz joǵalyp ketken qazaqstandyq Aigúl Sailybaevanyń denesi tabyldy, dep habarlaidy "Ult aqparat" BILD agenttigine silteme jasap.
Buǵan deiin burynǵy sýdia Aigúl Sailybaeva Germaniiada iz-tússiz joǵalyp ketkenin bolatyn. Ol Benshaim qalasynda kúieýi, qyzy jáne enesimen birge turǵan. 4 maýsym kúni tańerteń Sailybaeva qyzyn balabaqshaǵa alyp ketken. Sodan beri ony eshkim kórmegen.
Jeksenbi kúni onyń denesi qala shetindegi Erlache karerinen tabyldy. Máiit polietilen pakette bolǵan. Áiel óltirilmes buryn zorlyq-zombylyqqa ushyraǵan. Qazir Sailybaevanyń ólimin 35 tergeýshi tekserip jatyr. Áieldiń úiine tintý júrgizildi.
"Germaniia qylmystyq politsiiasynyń Qazaqstan Respýblikasynyń Frankfýrttaǵy bas konsýldyǵyna bergen aqparatyna sáikes, 16 maýsymda Benshaim qalasynyń mańynda áieldiń máiiti tabyldy. Kriminalister sot-meditsinalyq saraptama júrgizip jatyr. Óz kezeginde, politsiianyń aýyzsha aldyn ala bergen aqparatyna sáikes, syrtqy belgileri boiynsha máiit Qazaqstan azamaty Aigúl Sailybaeva dep tanyldy. Qazir marqumnyń týystary Germaniiada jáne olarǵa barlyq qajet konsýldyq-quqyqtyq kómek kórsetilip jatyr. Bul is týraly ózge aqparat tergeý múddeleri úshin jariialanbaidy", – delingen syrtqy ister ministrliginiń habarlamasynda.
Sailybaevamen bir ýaqytta onyń 49 jastaǵy qaiyn enesi Natalia Dontsova da joǵalyp ketken. Ol 4 maýsym kúni nemeresin balabaqshadan alyp, úiine ákelgennen keiin joǵalyp ketken. Balanyń ózi aman, qazir týystarynyń qamqorlyǵyna berilgen.
Qazir Natalia Dontsovany izdestirý jalǵasyp jatyr.
Buǵan deiin Germaniiada turatyn qazaqstandyq áiel iz-tússiz joǵalyp ketkeni týraly habarlanǵan. Áieldiń baýyrynyń aitýynsha, áieldi kúieýi men enesi uryp-soǵyp kelgen.
