Nur-Sultan qalalyq bilim basqarmasynyń basshysy Sholpan Qadyrova Zoom-men sabaq ótkizý kezinde jumys siltemesin bóten adamdarǵa taratpaý kerektigin eskertti, dep habarlaidy "Ult aqparat".
«Ókinishke qarai, 3 qyrkúiekte Zoom platformasynda ótkizilgen sabaq kezinde bóten adamdar aralasyp, ádepsiz slaidtar kórsetip, oqytý protsesine kedergi jasaǵan. Muǵalim sabaqqa bóten adamdardyń aralasqanyn baiqap, jedel túrde onlain sabaqty aiaqtady. Osydan keiin mektep ákimshiligi balalarmen jáne ata-analarmen onlain keńes ótkizdi. Oqýshylarǵa chattar men platformalarda jumys isteý kezinde etikany saqtaý, jumys siltemesin bóten adamdarǵa taratpaý qajettigi týraly tárbie jumysyn júrgizdi. Óz kezeginde biz kún saiyn muǵalimdermen jumys istep, IT-quzyrettilikterin damytýdamyz», - dedi ol elorda ákimdiginde ótken baspasóz máslihatynda.
Sonymen qatar basqarma basshysy barlyq mektepterdiń shtattyq rejimge kóshýi týraly sheshimdi QR Densaýlyq saqtaý ministrligi, Bas memlekettik sanitariia dárigeri shyǵarǵandyǵyn jetkizdi.
«Árine, sheshim, eń aldymen, eldegi epidemiologiialyq jaǵdaiǵa bailanysty bolady. Biz óz kezeginde balalardyń úzdiksiz bilim alýyna barlyq jaǵdaidy jasaimyz», - dedi ol.
Sholpan Qadyrova Bilim basqarmasynyń call-ortalyǵy 1445, 55-68-73, 55-68-83 nómiri boiynsha jumys isteitigin aitty.
«1 qyrkúiekten bastap koll ortalyǵyna 1000-ǵa jýyq, al kúnine 100-ge jýyq qońyraý kelip tústi. Munda ata-analar oqý protsesiniń barlyq máseleleri boiynsha tolyq aqparat ala alady», - dedi basqarma basshysy.
