Sońǵy segiz kúnde Zimbabveniń ońtústigindegi Hvange qoryǵynda kenetten qyrylǵan pilderdiń sany 22-ge jetken. Bul týraly jergilikti «News-24» jańalyqtar qyzmeti habarlady.
«Biz pilderdiń ne sebepti qyrylǵanyn áli bilmeimiz. Aldyn ala zertteý júrgizgen mamandardyń pikirinshe, olardyń ólimine bakteriialyq juqtyrý sebep bolǵan. Alaida, bakteriianyń dál qai túri ekeni túsiniksiz», - dep málimdedi Zimbabve qoryqtar men jabaiy tabiǵatty qorǵaý basqarmasynyń ókili Tinashe Faravo.
Alǵashqy bolyp qyrylǵan 12 pil 29 tamyz kúni Hvange qoryǵy men Pandamasýe ormanynyń shekarasynda, Viktoriia sarqyramasynyń mańynda tabylǵan.
«Barlyq janýarlardyń azýlary bútin bolǵan, iaǵni buǵan brakonerlerdiń qatysy joq ekenin bildiredi», - dep atap ótti Faravo.
Eki táýlikten soń Hvangede osyǵan uqsas jaǵdaida qyrylǵan taǵy 10 pildiń óleksesi tabyldy.
Qoryq biligi eki jastan alty jasqa deiingi pilderdiń boiy tym alasa bolatyndyqtan aǵash basynan japyraq jei almaityndyǵyn aitady. Sondyqtan olar jerge jaqyn ósip turǵan japyraqtardy, sondai-aq shópti jep, sol arqyly aýrý týdyrýshy bakteriialar juqtyryp alýy múmkin degen boljam jasap otyr.
