سوڭعى سەگٸز كٷندە زيمبابۆەنٸڭ وڭتٷستٸگٸندەگٸ حۆانگە قورىعىندا كەنەتتەن قىرىلعان پٸلدەردٸڭ سانى 22-گە جەتكەن. بۇل تۋرالى جەرگٸلٸكتٸ «News-24» جاڭالىقتار قىزمەتٸ حابارلادى.
«بٸز پٸلدەردٸڭ نە سەبەپتٸ قىرىلعانىن ەلٸ بٸلمەيمٸز. الدىن الا زەرتتەۋ جٷرگٸزگەن مامانداردىڭ پٸكٸرٸنشە, ولاردىڭ ٶلٸمٸنە باكتەرييالىق جۇقتىرۋ سەبەپ بولعان. الايدا, باكتەرييانىڭ دەل قاي تٷرٸ ەكەنٸ تٷسٸنٸكسٸز», - دەپ مەلٸمدەدٸ زيمبابۆە قورىقتار مەن جابايى تابيعاتتى قورعاۋ باسقارماسىنىڭ ٶكٸلٸ تيناشە فاراۆو.
العاشقى بولىپ قىرىلعان 12 پٸل 29 تامىز كٷنٸ حۆانگە قورىعى مەن پانداماسۋە ورمانىنىڭ شەكاراسىندا, ۆيكتورييا سارقىراماسىنىڭ ماڭىندا تابىلعان.
«بارلىق جانۋارلاردىڭ ازۋلارى بٷتٸن بولعان, ياعني بۇعان براكونەرلەردٸڭ قاتىسى جوق ەكەنٸن بٸلدٸرەدٸ», - دەپ اتاپ ٶتتٸ فاراۆو.
ەكٸ تەۋلٸكتەن سوڭ حۆانگەدە وسىعان ۇقساس جاعدايدا قىرىلعان تاعى 10 پٸلدٸڭ ٶلەكسەسٸ تابىلدى.
قورىق بيلٸگٸ ەكٸ جاستان التى جاسقا دەيٸنگٸ پٸلدەردٸڭ بويى تىم الاسا بولاتىندىقتان اعاش باسىنان جاپىراق جەي المايتىندىعىن ايتادى. سوندىقتان ولار جەرگە جاقىن ٶسٸپ تۇرعان جاپىراقتاردى, سونداي-اق شٶپتٸ جەپ, سول ارقىلى اۋرۋ تۋدىرۋشى باكتەرييالار جۇقتىرىپ الۋى مٷمكٸن دەگەن بولجام جاساپ وتىر.
