Foto: Atyraý oblystyq politsiia departamenti
Sý tasqynyna bailanysty Atyraý oblysynyń Jylyoi aýdanynan 30 myńǵa jýyq adam evakýatsiialandy. Onyń ishinde Turǵyzba aýylynyń 430 turǵyny bar, - Jylyoi aýdandyq ákimdigi.
Ákimdiktiń málimetinshe, Turǵyzba aýylynyń turǵyndaryn evakýatsiialaý bastalǵan. Munda 3 518 adam turady.
«Aýdan ákimi Jumabek Qarajanov aýyl turǵyndarymen kezdesip, evakýatsiialaýdyń mańyzyn túsindirdi. Birinshi kezekte áielder men, balalardy, múmkindigi shekteýli jandar men zeinetkerlerdi evakýatsiialaý qolǵa alyndy. Aýyldan 430 adam evakýatsiialanyp, «Qazaqstan temirjoly» UK poiyzymen Mańǵystaý oblysyna jiberildi. Olardyń arasynda 173 bala, 15 zeinetker bar», - dep habarlady aýdandyq ákimdikten.
Sondai-aq, tasqyn sý basqan Qulsary qalasynyń turǵyndaryn evakýatsiialaý jalǵasyp jatyr. Keshe keshkisin monoqaladan 147 adam evakýatsiialandy.
«Qulsary qalasynyń 50 turǵyny Mańǵystaý oblysyna jiberildi. Al, 97 adam «Teńiz» ken ornyndaǵy vahtalyq qalashyqqa kóshirildi», - dep málim etti aýdandyq ákimdikten.
