Foto: ashyq derekkózden
Kókshetaýda politseiler ystyq sý basqan páterden úsh áieldiń máiitin tapty, - dep habarlaidy Tengrinews.kz portaly.
2 qańtarda saǵat 04:44-te Kókshetaý Politsiia basqarmasyna úilerdiń birinde jylytý júiesi jarylǵany týraly túsken habarlama boiynsha mamandar oqiǵa ornyna barǵan. Osylaisha, páterde jylý qubyry jarylǵany anyqtalǵan. Sonyń saldarynan páterdi ystyq sý basqan. Páter ishinen qulyptalyp qalǵan. TJD qyzmetkerleri qutqarý jumystaryn júrgizgen.
Tekseris barysynda politseiler 50, 56 jáne 59 jastaǵy úsh áieldiń denesin tapqan. Olar - úi iesi jáne onyń eki qurbysy. Meditsinalyq kýálandyrý qorytyndysyna sáikes, áielderdiń ólimine kúiik sebep bolǵan.
Bul derek sotaldy tergep-tekserýlerdiń biryńǵai tizilimine engizilip, sot-meditsinalyq saraptama taǵaiyndalǵan. Sotaldy tergeý júrgizilip jatyr.
