Aldaǵy jylý maýsymynyń bastalýy úshin otyn qory jetkilikti. Bul týraly QR Energetika ministrliginiń Atomdyq jáne energetikalyq qadaǵalaý jáne baqylaý komiteti tóraǵasynyń orynbasary Erjan Ertaev habarlady.
E. Ertaevtyń aitýynsha, Energetika ministrligi ai saiyn selektorlyq salalyq keńes ótkizedi, onda elimizdiń jylytý kásiporyndaryndaǵy problemalyq máseleleri qarastyrylady.
«2019 jylǵa arnalǵan keste boiynsha 11 energobloktan 5 energoblokty, 63 qazannan 34 qazandy 46 týrbinadan 20 týrbinany jóndeý jumystary aiaqtaldy. Ár túrli kezeńderde 4 energoblokta, 30 qazandyqta, 17 týrbinada jumys júrgizilýde. Elektr jelileri boiynsha 15 myń shaqyrym elektr jelileri jóndelip, 836 qosalqy stantsiiada jumystar aiaqtaldy», — dedi ol.
Jalpy, QR Energetika ministrliginiń Atomdyq jáne energetikalyq qadaǵalaý jáne baqylaý komiteti tóraǵasynyń orynbasary atap aitqandai, elimizdiń barlyq óńirlerinde jóndeý jumystary bekitilgen kestege sáikes júrgizilýde.
«Jylytý kásiporyndarynyń jóndeý jumystary barysyna únemi monitoring júrgiziledi jáne jóndeý jumystarynyń kestege sáikes oryndalýy turaqty túrde baqylanady. Josparlanǵan jóndeý jumystary jylý kezeńiniń bastalýyna esh kedergi bolmai, ýaqytyly aiaqtalady», — dep sendirdi E. Ertaev.
