Foto: sk.kz
Energetika ministri Almasadam Sátqaliev Úkimet jylý berý maýsymyna daiyndyq máselesin erekshe baqylaýda ustap otyrǵanyn málimdedi, dep habarlaidy Sputnik Qazaqstan.
"Jylý berý maýsymyna daiyndyq jospar boiynsha júrip jatyr. Basty jáne problemalyq nysandar qysqa daiyn bolady. Biz úshin bastysy – jylytý maýsymy bastalǵanda azamattardyń páterine, kommýnaldyq-turmystyq sektorǵa jylýdyń berilýi. Sol sebepti tek energiialyq nysandar ǵana emes, tiisti magistraldyq taratý jelileri de jóndelip jatyr", - dedi Sátqaliev Parlament kýlýarynda.
Ministr jóndeý jumystary kestege sai júrip jatqanyn atap ótti.
"Jóndeý jumystary ýaqytynda aiaqtalyp, qazandyqtar men týrbinalar, qosalqy jabdyq merziminde daiyn bolýy úshin ministrlik pen jergilikti atqarýshy organdar baqylaý jasaidy", - dep sendirdi vedomstvo basshysy.
