Ejelgi Qazaqstan aýmaǵynda jylqynyń qolǵa alǵash ret úiretilgenin dáleldegen ǵalym Viktor Fedorovich Zaibert ómirden ozdy. Qaraly habardy QR Mádeniet jáne sport ministrliginiń baspasóz qyzmeti rastady, dep jazady QazAqparat.
Viktor Fedorovich Zaibert 1947 jyly Soltústik Qazaqstan oblysynyń Esil aýdanyna qarasty Nikolaevka aýylynda dúniege kelgen. Soltústik Qazaqstan aýmaǵyndaǵy tas dáýiriniń eskertkishterin zertteý salasyndaǵy maman birneshe ǵylymi jańalyqtar men Soltústik Qazaqstannyń ejelgi tarihyna arnalǵan 100-den astam kitap pen maqala jazǵan.
Viktor Fedorovich – tarih ǵylymdarynyń doktory, arheologiia professory, Berlin qalasyndaǵy German arheologiialyq institýtynyń jáne QR Áleýmettik ǵylymdar akademiiasynyń korrespondent múshesi, QR Mádeniet jáne sport ministrligi Mádeniet komitetiniń «Botai» memlekettik tarihi-mádeni mýzei-qoryǵy» RMQK-niń ǵalym hatshysy boldy.
Qoǵamdaǵy ózara kelisimdi saqtaý jónindegi jemisti jumysy, halyqtar arasyndaǵy beibitshilikti, dostyq pen yntymaqtastyqty nyǵaitýǵa sińirgen eńbegi úshin II dárejeli «Dostyq» ordenimen marapattalǵan.
Ǵalym ómiriniń 40 jyldan astam ýaqytyn Qazaqstan jáne búkil Eýraziia qurlyǵynyń ejelgi tarihyn zertteýge jumsaǵan. Dúniejúzinde birinshi bolyp, Soltústik jáne Ortalyq Qazaqstan dalalarynda b.e.d. IV ǵ. jylqy malynyń qolǵa úiretilgenin ǵylymi túrde dáleldegen.
